En paucas emnas vegn la baselgia claustrala S. Martin a Mustér a sa transfurmar en ina tribuna da teater: «Der Fels und das Schwert» , il link avra en ina nova fanestraavrir en il browserè in toc scrit aposta per la finiziun da las lavurs da restauraziun e relata la legenda da Sigisbert e Placi, ils fundaturs da la claustra.
En il Magazin da cultura raquintan intgins dals giuvens acturs da la sfida da schonglar tranter scola e teater e Felicitas Heyerick e David Flepp (il duo responsabel per la reschia) raquintan tge ch’il public po tut spetgar da quest toc ch’els numnan ina «gronda chista».
Tip persunal
Ir ad ina radunanza da vischnanca n’è per franc betg il pli divertent ch’i dat. Pertge duess ins lura pomai ir a guardar in program nua ch’i va per ina tala radunanza? Perquai che Mike Müller, il link avra en ina nova fanestraavrir en il browser è quel ch’è sin tribuna!
La Reprisa
Ina giuria d’architects ha elegì il Muzeum Susch, il link avra en ina nova fanestraavrir en il browser sco «construcziun da l’onn 2019». Ils architects Chasper Schmidlin e Lukas Voellmy hajan transmidà en moda exemplarica in’entira cumbinaziun dad edifizis en in museum modern.
Litteratura
En la rubrica litterara preschenta Esther Krättli il forum online da la revista «Das Gedicht», il link avra en ina nova fanestraavrir en il browser. Sin questa pagina tudestga, as chattan numnadamain era poesias en rumantsch....
RTR Magazin da cultura 11:00