Siglir tar il cuntegn

Header

audio
Magazin da cultura dals 12.10.2019
Or da Magazin da cultura dals 12.10.2019.
laschar ir. Durada: 53 minutas 7 Secundas.
cuntegn

Musical Surselva Viadi enturn il mund – partenza a Vella

Venderdi proxim ha lieu a Vella la premiera dal musical «En 80 dis enturn il mund», il toc che sa basa sin il classicher dal scriptur franzos Jules Verne. Giuvenils da l'entira Surselva vegnan a sautar, chantar e giugar sin il palc en Lumnezia.

Istorgia da «En 80 dis enturn il mund»

Phileas Fogg è in um Brit bainstant ed in pau excentric, ch'ha ina vita simpla e ruassaivla. El banduna mintga di durant las medemas uras sia chasa e turna er adina durant las medemas. In di, schabegia dentant insatge extraordinari. Cun ses camarats da dar «Whist», in gieu da chartas, metta el patg ina gronda summa, ch'el vegnia dad ir enturn il mund en 80 dis.

La medema saira sa metta el sin via cun ses camarier John Passpartout e gia cumenzan ils problems.

Inizià da l'uniun Musical Surselva

Mess en pe il musical ha l'uniun Musical Surselva, ch'è vegnida fundada fin 2016 da Primus Cavegn, Guido Derungs, Corsin Stecher, Alexi Derungs, Roman Stecher e Daniel Blumenthal.

L'uniun ha la finamira da promover chant, musica e saut tar ils giuvenils entras integrar persunas professiunalas ed inscenar producziuns da musicals. Uschia vegn lavurà per quella producziun cul reschissur tudestg Roland Körner. El ha surlavurà ed adattà il text per il palc a Vella. Uschia dat ei el toc era passaschas rumantschas e Mister Fogg e John Passpartout sa tschentan sin lur viadi era en la bella Val Lumnezia.

audio
Part I – Il plaschair e las sfidas da star sin il palc
ord Magazin da cultura dals 12.10.2019. Maletg: MAD, Ervin Monn
laschar ir. Durada: 6 minutas 48 Secundas.
audio
Part II – La rulla da la band en in musical
ord Magazin da cultura dals 12.10.2019. Maletg: MAD, Giusep Venzin
laschar ir. Durada: 5 minutas 29 Secundas.
audio
Tip persunal – Arno Camenisch e Roman Nowka live
ord Magazin da cultura dals 12.10.2019. Maletg: MAD
laschar ir. Durada: 3 minutas 34 Secundas.
audio
Reprisa – Il fieu da dar lotto
ord Magazin da cultura dals 12.10.2019. Maletg: Keystone
laschar ir. Durada: 5 minutas 52 Secundas.

Magazin da cultura 11:00

Artitgels legids il pli savens