En sia exposiziun actuala propona il Museum Regiunal Surselva in viadi enavos en l’advent d’antruras, quai cun sa basar sin quai ch’ins numna «istorgia orala».
Dapi l’avrigl 2019 è Ursina Jecklin nova manadra e curatura dal museum. Bainprest haja ella cumenzà a retschertgar davart usits e tradiziuns d’advent en la regiun – quai era per emprender d’enconuscher in zic meglier ses nov lieu da lavur. Ma ella haja stuì constatar ch’i na dettia gnanc blera documentaziun. Uschia han ella e ses collavuraturs visità diversas persunas da l’entira Surselva e registrà lur regurdientschas. Ordlonder hai dà in’exposiziun che mussa bain l’incredibel svilup economic e social ch’ha transfurmà nossas regiuns ils ultims decennis.
Litteratura
L'Uniun per la Litteratura Rumantscha dat or mintg'onn la revista «Litteratura». L'annada 38 è deditgada al tema «Mar» e preschenta differents texts.
RTR Magazin da cultura 11:00