Siglir tar il cuntegn

Header

audio
Il magliacudeschs – fimar e siemiar
Or da Marella dals 09.01.2022.
laschar ir. Durada: 43 minutas.
cuntegn

Magliacudeschs Fimar e siemiar

En il magliacudeschs discurra Esther Krättli cun giasts davart cudeschs che dattan en egl.

En il center da l’emissiun stattan dus cudeschs che discurran da gronds siemis, ma betg tuts èn s’accumplids. Ils giasts dal magliacudeschs èn questa giada Fadrina Hofmann e Roman Caviezel.

Ina dunna giuvna, ella ha chavels stgirs liads ensemen e porta in spievel, ha en ina chamischa e porta jeans.
Legenda: Viola Cadruvi. MAD, Viola Cadruvi

Protagonist da «Panuglias da fim» da Viola Cadruvi è Benedetg Deplazes che viva dapi in pèr mais en l’asil da vegls. Tut para paschaivel, fin che sia stgatletta da cigarettas d’argient svanescha in bel di. Benedetg vul chattar il lader e sa metta sin in viadi che leventa caos, protest, scumbigl e regurdientschas gia daditg stgatschadas.

purtret d'ina dunna cun chavels tschuors che sesa sin in banc davant ina bostgaglia en chalurs d'atun.
Legenda: Sarah Kuratlie. MAD, Fadrina Hofmann

Il roman «Greta und Jannis» da l’autura Sarah Kuratle raquinta sco en in siemi fantastic l’istorgia fascinanta, ma era tragica dals dus protagonists che s’inamureschan senza savair ch’els èn fragliuns. Il cudesch è scrit en ina lingua poetica cun maletgs surreals che fan endament la paraula da Gionin e Grettina.

RTR Marella 09:00

Artitgels legids il pli savens

Scrollar a sanestra Scrollar a dretga