Empè dad in segiurn da trais mais sco previs il settember 2016, è la favela Rocinha – ina da las pli paupras da la citad da Rio de Janeiro – daventada in lieu da patria per l’Engiadinaisa Manuela Schläpfer.
En Brasilia ha la dunna da 32 onns emprendì d'enconuscher in mund cumplettamain different da la Svizra bainstanta. Manuela Schläpfer ha lavurà en ina canorta en la favela per 80-100 francs al mais.
Il desideri da vulair gidar
Durant il temp en Brasilia ha ella er emprendì d'enconuscher ses um da la vita. Ultra da quai ha l’Engiadinaisa er realisà in project per gidar e sustegnair famiglias che vivan en la povertad. «Manu – Helping Favela Rocinha» sa numna il project ch’i dat entant dapi il 2017 e che sustegna tras donaziuns entant 200 famiglias en la favela.
Durant il temp da pandemia saja la situaziun per la populaziun anc sa pegiurada, suttastritga la mamma da trais uffants.
Sper gangs, armas e violenza è la fom il pli grond problem en la favela Rocinha.
La vita en la favela Rocinha en Brasilia
1 / 15
Legenda:
La favela Rocinha, il dachasa da 250'000 persunas.
mad Manuela Schläpfer
2 / 15
Legenda:
Las chasas en construidas ina sper l'autra.
mad Manuela Schläpfer
3 / 15
Legenda:
La perspectiva ord l'aria sin ina part da la favela Rocinha.
mad Manuela Schläpfer
4 / 15
Legenda:
Rio de Janeiro quinta radund 700 favelas. Ina dad ellas è Rocinha.
mad Manuela Schläpfer
5 / 15
Legenda:
L'Engiadinaisa porta la regurdientscha da la favela en furma d'in tattoo sin sia chanvella.
mad Manuela Schläpfer
6 / 15
Legenda:
Sco colliaziun per il traffic en la favela serva la via principala.
mad Manuela Schläpfer
7 / 15
Legenda:
La gronda part da las chasas èn accessiblas be a pe.
mad Manuela Schläpfer
8 / 15
Legenda:
Ils pachets cun mangiativas e products igienics dal project «Manu Helping Favela Rocinha» vegnan transportads tar las famiglias.
mad Manuela Schläpfer
9 / 15
Legenda:
Las famiglias che survegnan il sustegn tras il project èn fitg engraziaivlas per l'agid.
mad Manuela Schläpfer
10 / 15
Legenda:
Cun ils dus uffants da ses um è la famiglia da Manuela Schläpfer creschida.
mad Manuela Schläpfer
11 / 15
Legenda:
Durant la pandemia è la surdada cun ils pachets d'agid vegnida fatga sin plazzas publicas.
mad Manuela Schläpfer
Legenda:
Il team da «Manu Helping Favela Rocinha»
mad Manuela Schläpfer
14 / 15
Legenda:
Manuela Schläpfer cun sia figlia Nayana en viadi per surdar in pachet d'agid.
mad Manuela Schläpfer
15 / 15
Legenda:
Ils babs da las famiglias che survegnan agid èn obligads da gidar tar il transport da la rauba.
mad Manuela Schläpfer
Dapi questa stad viva Manuela Schläpfer cun sia famiglia a Wetzikon. Là ha ella chattà ina plazza da lavur en ina canorta cun in pensum da 60 %. Ses um fa actualmain lavurs temporaras.
Ch’els èn turnads en Svizra saja adina stada sia finamira, numnadamain per ch’ils uffants possian ir a scola en Svizra. Il s'endisar vi dal «sistem svizzer» dovria anc ses temp, ha declerà l’Engiadinaisa, che numna «ris cun favas» anc adina sco tratg preferì da tut la famiglia.
