Siglir tar il cuntegn

Header

audio
Manuela Schläpfer – Ina vita en dus munds
Or da Profil dals 22.10.2022.
laschar ir. Durada: 57 minutas 2 Secundas.
cuntegn

Manuela Schläpfer Teixeira «Ins po viver cun bler pli pauc che quai ch'ins pensa»

Empè dad in segiurn da trais mais sco previs il settember 2016, è la favela Rocinha – ina da las pli paupras da la citad da Rio de Janeiro – daventada in lieu da patria per l’Engiadinaisa Manuela Schläpfer.

En Brasilia ha la dunna da 32 onns emprendì d'enconuscher in mund cumplettamain different da la Svizra bainstanta. Manuela Schläpfer ha lavurà en ina canorta en la favela per 80-100 francs al mais.

Il desideri da vulair gidar

Durant il temp en Brasilia ha ella er emprendì d'enconuscher ses um da la vita. Ultra da quai ha l’Engiadinaisa er realisà in project per gidar e sustegnair famiglias che vivan en la povertad. «Manu – Helping Favela Rocinha» sa numna il project ch’i dat entant dapi il 2017 e che sustegna tras donaziuns entant 200 famiglias en la favela.

Durant il temp da pandemia saja la situaziun per la populaziun anc sa pegiurada, suttastritga la mamma da trais uffants.

Sper gangs, armas e violenza è la fom il pli grond problem en la favela Rocinha.
Autur: Manuela Schläpfer Engiadinaisa cul cor anc adina en Brasilia

Dapi questa stad viva Manuela Schläpfer cun sia famiglia a Wetzikon. Là ha ella chattà ina plazza da lavur en ina canorta cun in pensum da 60 %. Ses um fa actualmain lavurs temporaras.

Ch’els èn turnads en Svizra saja adina stada sia finamira, numnadamain per ch’ils uffants possian ir a scola en Svizra. Il s'endisar vi dal «sistem svizzer» dovria anc ses temp, ha declerà l’Engiadinaisa, che numna «ris cun favas» anc adina sco tratg preferì da tut la famiglia.

RTR Profil 09:00

Artitgels legids il pli savens

Scrollar a sanestra Scrollar a dretga