L’autur Casper Nicca sa metta sin in viadi en il mund dal far laina. El fa sez laina per sias pignas e va perquai er a guaud.
Ses viadi maina el tar Armando Thomann da Parsonz. Lez ha in’interpresa forestala en terza generaziun e raquinta davart sias experientschas cun il far laina. Johann Peter Clopath da Ziràn è quel um vegl ch’ins chatta prest en mintga vischnanca, l’um vegl che fenda laina cun la sigir e venda quella er ad autra glieud. El raquinta davart il fender laina. La sigir è er la domena da Christian Schwarz. El è fravi da guaffens e co ch’el fravegia sigirs. Ignaz Deplazes fa pignas. El ha construì enturn 3'000 pignas en sia vita e sa uschia er co ch’ins sto far fieu, per che la pigna dettia era chaud. E Dumeni Dolf, il vischin da l’autur, fa sia visita, cura ch’el auda che lez fenda laina e raquinta da pli baud.