Sfegliar la pagina, cumenzar in chapitel nov, scriver in'autra istorgia: Per cumenzaments vain nus bleras modas da dir che sa refereschan al scriver. Latiers simbolisescha il fegl alv il cumenzament – tut è pussibel. L'idea dal fegl alv è tant carmalanta sco era anguschanta, sco mintga cumenzament. Cura envida il fegl alv a sburfladas da pleds e cura procura el per ina bloccada totala?
Auturas ed auturs rumantschs raquintan davart lur relaziun cun il fegl alv e las fadias da cumenzar. Per il principi da l'onn nov ans deditgain nus a moda ludica, associativa e dal tuttafatg concreta als inizis, a las entschattas ed als cumenzaments. E sperain da rivar era ad ina fin.
Anfang Bildergalerie
Bildergalerie überspringen
-
Bild 1 von 7. Viola Cadruvi:. «Jau na conusch betg la bloccada da scriver, perquai che jau na scriv betg or dad inspiraziun.». Bildquelle: MAD.
-
Bild 2 von 7. Rut Plouda:. «Mintgatant datti texts regalads, quels ma vegnan simplamain endament, ed jau tils poss scriver en ina tratta. Ma quai è fitg rar.». Bildquelle: MAD.
-
Bild 3 von 7. Göri Klainguti:. «Jau na conusch betg la tema dal fegl alv – tar mai han tut ils fegls maclas ed en en dischurden.». Bildquelle: MAD.
-
Bild 4 von 7. Gianna Olinda Cadonau:. «Jau scriv tut las poesias a man – quai è sco stgaudar en ils musculs.». Bildquelle: MAD.
-
Bild 5 von 7. Sidonia Pazeller:. «Ina bloccada da scriver è sco avair in’assa davant il chau – musica ma gida da superar ina bloccada.». Bildquelle: RTR.
-
Bild 6 von 7. Martin Cantieni:. «Ina deadline gida a mai dad insumma cumenzar – senza deadline resta il fegl savens alv.». Bildquelle: RTR.
-
Bild 7 von 7. Leo Tuor:. «La tema dal fegl alv tocca tar mes mintgadi – entant saja che ina bloccada è ina crisa, che ins sto tener ora.». Bildquelle: MAD.
Ende der Bildergalerie
Zurück zum Anfang der Bildergalerie.