Fil, glin, ina guglia – e lura dai. Saira per saira fascheva la matta grischuna pitg a crusch per pudair preschentar sco spusa ina bella dota. Per onns ed annorums era il connex cler. Pli gronda la parada, pli brava la matta – e pli ritga la famiglia.
Lavur a maun era chaussa da dunnas, dentant relevanta cunzunt per la vanagloria dals umens. Questa interacziun da pitg a crusch e la valur da la dunna prendain nus sut la marella. Cun la directura dal Museum retic, Andrea Kauer che tgira il pli grond stgazi textil en Grischun, cun il directur artistic dal Museum d’art, Stephan Kunz che mussa actualmain ch’ins po er far art cun fil e guglia e cun l’artista afgana Latifa Zafar Attaii che protestescha tras ses retgams.
Er ils Cuntrasts èn sa focussads sin il retgamar e mussan che retgamar e far pitg a crusch vul dir anc bler dapli che da sa concentrar sin cruschinas cotschnas sur duas giadas dus fils en la stoffa:
