La bova gronda da Bondo u la situaziun actuala a Brinzauls èn be dus exempels, che mussan cun tge sfidas che vischnancas muntagnardas èn confruntadas – gist era cun la stgaudada dal clima.
Puntraschigna ha reagì gia baud: La vischnanca en l'Engiadin'Ota ha construì gia avant 20 onns in rempar gigantic sur il vitg. Quel duai proteger en l'avegnir la vischnanca da tut ils privels da la muntogna: tant encunter lavinas sco era bovas u crudada da crappa. Ina lavur da pionier che ha procurà per grond interess tant en il Grischun sco a l'exteriur. Dentant la schelira permanenta che tegn ensemen la muntogna sur il vitg sdreglia pli e pli.
Quai spetga en la Marella
La Marella discurra cun la presidenta communala da Puntraschigna, cun Nora Saratz Cazin davart quest svilup. Nus spassegiain cun il mainaproject da quella giada, Giachem Bott e cun il glaciolog Felix Keller aut sin il rempar e dumandain co che quai è stà lura precis avant 20 onns e tge ch'è sa midà dapi lura.
Ultra da quai discurrin nus cun l'experta dal institut da naiv e lavinas a Tavau, cun Marcia Phillips davart la situaziun actuala da la schelira permanenta e dain in sguard en il futur.
