En quest mument essas vus gist online. Clar, uschiglio na pudessas vus betg leger il text da questa pagina d’internet. Ma sco fiss quai da viver d'in mument sin l’auter puspè offline – senza telefonin e senz'internet?
Per blers è ina vita offline nunimaginabla. Telefonin ed internet tutgan ozendi tar la vita da mintgadi.
- en media essan nus duas enfin trais uras per di vi dal telefonin.
- mintga 20avel giuvenil en Svizra è dependent dal telefonin.
- en China datti champs da dril militarics cunter la dependenza dal telefonin.
Per dapli infurmaziuns ir cun la mieur sur ils simbols (sin telefonins smatgar sin ils simbols radunds sur las «apps».
Dentant, n'è ina vita offline propi betg pli pussibla? U è quai simplamain ina nauscha stgisa per betg stuair bandunar nossa zona da confort? Chatta ora sez e fai cun nus il viadi en in mund offline che ha ozendi blers cunfins nunprevis.