Siglir tar il cuntegn

Header

Duos dunnas il 1950 davant in placat cun l'inscripziun "Männer - Brüder - Söhne, bewahrt uns vor der Politik. Nein zum Fraunestimmrecht"
Legenda: Keystone
cuntegn

50 onns dretg da vuschar Dunnas a l’urna – sconfittas, success e cumbats

Enfin il 1971 era la Svizra politicamain in confederaziun da frars cun las soras avant porta. Dapi 50 onns essan era nus betg pli mo ina mesa mabain ina democrazia cumpletta. Sfegliai qua giu sut en la cronica d'in cumbat che ha durà passa 100 onns!

Da la simpla servitura a la dunna cun giudizi

«Ina buna mamma ha dapli pussanza che ina ferventa votanta» scriveva il comité contra en ses inserats ed il comité pro ha replitgà il medem onn: «Bunas mammas na vulan betg pussanza ellas vulan servir e quai era en il stadi». Quai èn dus inserats ch'ins chatta en la pressa grischuna dal 1959 en occasiun da l’emprima votaziun federala per introducir il dretg da vuschar da las dunnas. Las discussiun han dentant entschet gia il 19avel tschientaner ed a partir dals onns 1920 hai dà en differents chantuns numerusas tentativas per introducir il dretg da vuschar. Iniziativas ch'ils umens han consequentamain refusà a l’urna.

Discussiuns animadas e cumbats fervents durant decennis e fin il di avant la votaziun dals 7 da favrer 1971. Tge è sa midà cun l’ir dal temp en ils arguments? A maun da las gasettas grischunas sa metta la Marella als fastizs da quest’evoluziun da la buna mamma a la votanta ferventa. U sco ch'il reverenda refurmà Rico Parli scriva en ina charta da lectur, i sa tracta dal «pass da la homocrazia a la democrazia».

audio
Dunnas a l’urna – sconfittas, success e cumbats
29:41 min, Marella dals 07.02.2021.
laschar ir. Durada: 29:41 minutas.

Artitgels legids il pli savens

Scrollar a sanestra Scrollar a dretga