Siglir tar il cuntegn

Header

audio
In onn corona – la bilantscha
Or da Marella dals 14.03.2021.
laschar ir. Durada: 57:35 minutas.
cuntegn

Café federal spezial In onn corona – la bilantscha

Purtar mascrinas, lavar ils mauns, tegnair distanza. Dapi in onn accumpognan nus questas mesiras tras il mintgadi. Fabia Caduff ed Adrian Camartin, ils correspundents da RTR a Berna, dattan in sguard persunal sin quest onn turbulent.

In «Ruck» stoppia ir tras la Svizra. Cun quests pleds ha la cussegliera federala Simonetta Sommaruga gì proclamà avant bunamain precis in onn la situaziun extraordinaria per l’entira Svizra. La consequenza: Restaurants, butias, indrizs da divertiment e da sport han serrà las portas, las scolas eran vidas, l‘armada è vegnida mobilisada ed ils cunfins serrads. Dapi lu ha il coronavirus midà bler. Areguard la lavur, ma era en la vita privata, la moda e maniera co nus communitgain, la politica. E la crisa n‘è anc betg dumagnada.

En ina episoda speziala dal podcast Café federal dattan Fabia Caduff ed Adrian Camartin in sguard persunal sin quest onn turbulent. La correspundenta ed il correspundent da RTR a Berna han visità persunas che han sentì las consequenzas da las decisiuns. Il viticultur, l’assistenta pastorala, la dunna en speranza e la mamma cun l’uffant nov naschì – sco era Annetta Bundi. La scheffa da medias da la cussegliera federala Simonetta Sommaruga ha discurrì davart la difficultad da chattar ils pleds gists per sa drizzar a la naziun en ina situaziun difficila.

Pandemia - In onn suenter l'emprim cas da Covid-19 en Svizra.

RTR Marella 09:00

Artitgels legids il pli savens

Scrollar a sanestra Scrollar a dretga