Siglir tar il cuntegn

Header

audio
El era in che saveva far las vuschs – Cla Biert
Or da Marella dals 26.07.2020. Maletg: RTR
laschar ir. Durada: 32 minutas 1 Secunda.
cuntegn

Cla Biert El era in che saveva far las vuschs

Ils 26 da fanadur pudess ils scriptur, trubadur ed um da teater Cla Biert festegiar ses 100avel anniversari.

Cla Biert (1920-1981) ha marcà la cultura rumantscha. Quai cun ses raquints, il roman «La müdada», cun sias chanzuns, referats, artitgels ed emissiuns da radio. La «Marella» fa reviver el. Quai grazia las regurdientschas da trais dunnas e trais umens che han enconuschì el. L’onn 2006 era Maria Cadruvi sa scuntrada cun Paulina Caduff, Mevina Puorger, Rita Uffer, Iso Camartin, Chasper Pult e Clà Riatsch per discurrer da la persuna e da l’ovra da Cla Biert.

Repetiziun dal mars 2006. Durant la stad preschenta la Marella er quest onn inqual perla radiofonica ord noss archiv.

Aint il chaschuot

Co chatta in autur ses tema e co scrivan ins in bun raquint? En l’emissiun Radiosola dal 1971 aveva Cla Biert prelegì sia istorgia «Aint il chaschuot» e suenter declerà sco che el scriva, tge che è impurtant per el sco autur e daco che el rescriva pliras giadas ses texts.

Il scriptur das-cha bainschi pretender cha seis lectur pensa, ma el nu das-cha descriver üna situaziun be a mezzas quai sto esser precis, plü simpel pussibel e cun ils drets pleds.
Autur: Cla Biert autur
audio
Cla Biert - Sco ch'eu fetsch ün'istorgia
ord Marella dals 26.07.2020. Maletg: RTR, Radioscola 5/90
laschar ir. Durada: 24 minutas 29 Secundas.
L'emprima pagina dal mauscrit da Cla Biert per sia istorgia "Aint il chaschuolt"
Legenda: Manuscrit da l’istorgia «Aint il chaschuot» RTR, Radioscola 5/90

RTR Marella

Artitgels legids il pli savens