Siglir tar il cuntegn

Header

audio
Il magliacudeschs
Or da Marella dals 29.11.2020.
laschar ir. Durada: 44:51 minutas.
cuntegn

Il magliacudeschs Laders simpatics e monsters sgarschentus

En il center da l'emissiun stattan dus cudeschs che van en zonas grischas e nairas da la vita. Preschentadas vegnan las istorgias da snuizi «La feglia dal fraissen» da Viola Cadruvi e «Johann Stoffel. Vom populären Dieb zum Schneidermeister», in cudesch che descriva la vita aventurusa d'in pitschen delinquent ed ina resocialisaziun gartegiada. Ils giasts dal magliacudeschs èn questa giada Silvana Derungs e Jürg Simonett.

En ses emprim cudesch sfruscha Viola Cadruvi vid la vart stgira e sombra en nus. «La feglia dal fraissen» preschenta raquints da horror che laschan enavos lecturs e lecturas cun pel giaglina.

Silvana Derungs che tegna enta maun il cudesch da Viola Cadruvi.
Legenda: Silvana Derungs è ina vaira magliacudeschs. MAD, David Truttmann

Insumma betg privlus è stà il protagonist al segund cudesch. L'istoricher Jürg Simonett è ì sin ils fastizs da Johann Stoffel da Val S. Pieder. Quel ha cumenzà sia carriera sco lader e retg da l'evasiun per daventar a la fin in maister cusunz renconuschì.

Simonett tegna enta maun il cudesch Johann Stoffel.
Legenda: L'istoricher Jürg Sionett sin ils fastizs d'in lader. RTR, Esther Krättli

Il tip da la magliacudeschs Nadina Derungs è «Vogelgott», in bestseller da l'autura tudestga Susanne Röckel. En il stil da la romantica naira va il roman en tschertga d'in utschè mistic.

RTR Marella 09:00

Artitgels legids il pli savens

Scrollar a sanestra Scrollar a dretga