Marella - La lingua furlana tranter «lûs» ed «ombre»
In milliun persunas en l’Italia dal Nord discurra furlan. Cunquai furman ils Furlans la pli gronda minoritad linguistica en las Alps. E tuttina: Dal status ch’il rumantsch giauda en il Grischun è il furlan anc lunsch davent. Pertge? Ina visita ad Udine.
Legenda:
La Piazza Libertà en il center istoric dad Udine. Cun 100'000 abitants è Udine la pli gronda citad en il territori da la lingua furlana.
RTR / Donat Caduff
2 / 7
Legenda:
Il mund dals funcziunaris ed onorevoles: Il congres da la Societât Filologjiche Furlane ad Udine.
RTR / Donat Caduff
3 / 7
Legenda:
Mauro Missana è directur da Radio Onde Furlane e responsabel per il program dal radio.
RTR / Donat Caduff
4 / 7
Legenda:
Carlo Puppo / Carli Pup è redactur da novitads tar Radio Onde Furlane, scrivent, translatur e president da la cooperativa Informazione Friulana che maina la gestiun per il radio.
RTR / Donat Caduff
5 / 7
Legenda:
Sper si'activitad sco redactur tar Radio Onde Furlane docescha Marco Stolfo scienzias politicas a l'Universitad dal Friaul ad Udine. El è spezialist per l'istorgia dal federalissem e per dumondas da minoritads en l'Europa.
RTR / Donat Caduff
6 / 7
Legenda:
Paolo Cantarutti / Pauli Cantarut: redactur da cultura tar Radio Onde Furlane ed organisatur dad occurenzas culturalas, sco per exempel il festival Suns.
RTR / Donat Caduff
7 / 7
Legenda:
Enrico Turloni, redactur da sport tar Radio Onde Furlane. El lavura er per la «sora gronda», la RAI.
RTR / Donat Caduff
Quest onn festivescha la Societât Filologjiche Furlane, la «Lia Rumantscha» dals Furlans, ses 100 onns – precis sco ses pendant en il Grischun. Cun questa chaschun tematisescha la Marella il status quo da la minoritad furlana. Nus avain fatg visitas al congress da giubileum da la «Filologjiche» sco er al «Radio Onde Furlane», nua che schurnalists passiunads rapportan di per di dal mund furlan.
Ina da las constataziuns principalas: Fin che la lingua furlana è enragischada en la societad, è la via anc lunga. Ed entant che la Societât Filologjiche defenda las tradiziuns e vul sensibilisar per l’ierta culturala, emprovan ils schurnalists dal sulet radio furlan da betg perder il contact cun la giuventetgna.
Ultra da quai han ils schurnalists da Radio Onde Furlane ina gronda visiun: quella dad in’Europa da las minoritads unidas. Malgrà lur meds limitads, auzan ils redacturs lur vuschs encunter il mainstream schurnalistic e cumbattan per in meglier status da la lingua. Danunder prendan els lur energia?
