Siglir tar il cuntegn

Header

audio
Estras en l’agen pajais
Or da Marella dals 10.11.2019.
laschar ir. Durada: 42:49 minutas.
cuntegn

La Marella Estras en l’agen pajais

Cun maridar in um d’in auter origin, perdeva ina dunna svizra (enfin 1952) automaticamain ses dretg da burgaisa. La Marella sa fatschenta cun l’origin e las consequenzas da questa lescha discriminanta.

Tranter la fin dal 19avel tschientaner ed il 1952 han passa 85’000 dunnas perdì lur naziunalitad svizra, quai perquai ch’ellas han maridà in um d’in auter origin. En sia dissertaziun , il link avra en ina nova fanestraintercurescha l’istoricra Silke Margherita Redolfi , il link avra en ina nova fanestrails origins e las consequenzas da questa pratica.

Silke Redolfi
Legenda: L’istoricra Silke Margherita Redolfi ha scrit sia dissertaziun davart questas «figlias persas» da la naziun MAD
La dissertaziun da Silke Margherita Redolfi (Chasa editura Chronos 2019)
Legenda: La dissertaziun da Silke Margherita Redolfi (Chasa editura Chronos 2019) MAD

Questa lescha matrimoniala era bain derasada en l’entira Europa, ma n’è pervia da quai betg main scandalusa. Perquai che questas dunnas eran suttamessas al dretg dad esters, n’avevan ellas dad in di sin l’auter betg pli il dretg sin agid social, vegnivan tractadas sco estras en l'agen pajais e stuevan dumandar il dretg da dimora e da lavur.

Ils destins ils pli tragics èn quels da dunnas che vivevan en precariat e quels da dunnas en territoris da guerra.
Autur: Silke Margherita Redolfiistoricra

In’ulteriura spada da Damocles che pendeva sur questas anteriuras Svizras e lur famiglias era il ristg da l’expulsiun: sch’insatgi da la famiglia commetteva in delict u sch’ella era uschè paupra ch’ella avess duvrà sustegn da la vischnanca da dimora, lura pudevi tgunsch esser che l'entira famiglia vegniva expulsada en il pajais d’origin da l’um.

Ils cas extrems en connex cun questa lescha èn succedids durant la segunda guerra mundiala, cura che anteriuras Svizras n’han betg pli pudì turnar en lur patria d'antruras. Tragicamain han ils destins da questas dunnas contribuì considerablamain a midar las mentalitads, uschia che la perdita absoluta da la naziunalitad en cas dad ina lètg maschadada è vegnida abolida il 1952.

Era las medias han contribuì ha midar l’opiniun publica: qua in artitgel da la Schweizer Illustrierte dal 1951
Legenda: Era las medias han contribuì a midar l’opiniun publica: qua in artitgel da la Schweizer Illustrierte dal 1951 MAD
Era las medias han contribuì ha midar l’opiniun publica: qua in artitgel da la Schweizer Illustrierte dal 1951
Legenda: Era las medias han contribuì a midar l’opiniun publica: qua in artitgel da la Schweizer Illustrierte dal 1951 MAD

RR Marella 09:00