Volver la terra. Semnar. Plantar. Bagnar. Zerclar. Adina puspè da nov! Èn quai sulettamain obligaziuns stentusas sch’ins ha in iert? Ubain èsi dapli che quai? Po il far iert er esser ina «meditaziun» ni schizunt ina «terapia»?
Da primavaira enfin atun sappian ins nua chattar ella, manegia l’artista Laura Bott che cultivescha tschintg ierts ad Ardez.
Cumenzà cun quest’activitad ha ella cura ch’ella è turnada en Svizra avant in tozzel onns. L’emprim fascheva ella quai per avair buns legums sin maisa, ma ozendi è la lavur en iert er insatge che dat plaschair, equiliber ed er in’entrada supplementara.
1 / 4
Legenda:
Sch’ins tschertga Laura Bott chatt’ins savens ella en in da ses 5 ierts
RTR, A. Alexandre
2 / 4
Legenda:
Plantinas da Laura Bott.
MAD
3 / 4
Legenda:
Plantinas da Laura Bott.
MAD
4 / 4
Legenda:
Igl è demussà ch’il lavurar en iert ha effects positivs sin nossa sanadad.
RTR/ A. Alexandre
Cun Martina Föhn (Scola auta turitgaisa per scienzas applitgadas) discurra La Marella da l’uschenumnada «ortoterapia» nua ch’igl iert vegn duvrà sco instrument terapeutic. Divers studis dals ultims onns demussan numnadamain: far iert ha effects positivs sin spiert e corp.
