Siglir tar il cuntegn

Header

audio
Lain sautar!
Or da Marella dals 22.03.2020.
laschar ir. Durada: 48:27 minutas.
cuntegn

La Marella Lain sautar!

In’emissiun sur da saut? En quests temps da crisa? Gea. Pli che mai!

L’uman sauta dapi millennis. L’emprim era quai tgunsch in act natiral e spontan – pli tard lura cunzunt era in act da ritual. Lura è il saut daventà ina furma da sa divertir en cumpagnia u era in’expressiun artistica.

Mo i emporta pauc sch’il saut è hobi, mastergn ubain terapia: igl è demussà che saut è bun per noss spiert e noss corp (cunzunt era per noss sistem d’immunitad).

Perquai envida La Marella gist bel ed aposta ad in’emissiun che ans maina davent dad isolaziun sociala e pandemias. Nus sautain tras l’emissiun cun trais protagonistas:

Eleni Casanova - passiunada da flamenco

Flamenco è mes ventil!
Autur: Eleni Casanovapassiunada da flamenco

Cun tschintg onns ha Eleni Casanova, il link avra en ina nova fanestra vesì in placat da reclama per ina festa en Spagna. E dapi lura ha ella savì ch’ella veglia in di sautar flamenco! Ussa va Eleni mintg’emna ad in curs da flamenco a Turitg , il link avra en ina nova fanestrae numna quest saut sia passiun, ma era sia terapia.

Christina Thurner - professuressa per scienzas da saut

Christina Thurner avess gugent sch’i vegniss sautà dapli en Svizra, quai gia da pitschen ensi
Legenda: Christina Thurner avess gugent sch’i vegniss sautà dapli en Svizra, quai gia da pitschen ensi MAD
En nossa cultura n’avain nus betg ina relaziun fitg positiva cun noss corp.
Autur: Christina Thurnerprofessuressa per scienzas da saut a l'universitad da Berna

En La Marella raquinta Christina Thurner, il link avra en ina nova fanestra da las entschattas dal saut, da sia impurtanza e funcziun ed ella declera era, pertge ch’ella pensa che nus Svizzers na sautain betg avunda.

Dina Sennhauser - sautunza e choreografa

Sautar è per mai sco da far tramagls!
Autur: Dina Sennhausersautunza e choreografa

Per Dina Sennhauser , il link avra en ina nova fanestra(25), creschida si en Surselva e che viva oz a Berlin, è saut passiun e mastergn. L'atun passà ha ella fatg en Germania ses master en choreografia, avant aveva ella studegià saut contemporan en Svizra.

Pertge ch’ella è sa decidida per il saut enstagl ils skis, pertge ch’ella inscenescha gugent choreografias senza musica e tge plans ch’ella ha per ses avegnir sco artista independenta – tut quai tradescha ella en La Marella.