Per questa Marella turnain nus en il 2016: L’actura Anny Weiler aveva en sasez decidì da na betg pli sa laschar en sin l’amur – memia grondas eran las blessuras da sias ultimas relaziuns. Mo in di survegn ella in mail che fa surstar: in architect american ha per cas vesì ses profil sin las medias socialas e vuless gugent entrar en contact cun ella.
L’emprim è ella sceptica, mo ord spir mirveglias respunda ella tuttina e cumenza ina correspundenza cun quest «Mister B». Bainprest porta Anny ils enconuschents «egliers rosa» che fan ch’ella na vesa betg ils indizis che mussan che las intenziuns da ses «Prince Charming» han da far nagut cun amur.
Sche jau guard oz enavos stoi jau conceder; noss discurs eran pac auter che flosclas. Mo jau era inamurada da questa vusch...
Ussa ha Anny Weiler decidì da na betg pli taschair, mabain da raquintar sia istorgia. Ella vul cunzunt admonir, mo era far curaschi ad autras unfrendas da sumegliantas cugliunarias. L’actura ha perquai creà in toc che sa numna «1001 Nachricht für Anny – Psychogramm einer Gehirnwäsche» e che ha premiera ils 18 d’october 2019.
Ord l'archiv
Anny Weiler stat sin tribuna dapi passa quaranta onns sco chantadura da jazz e sco actura. Gia sco uffant era ella fascinada da circus, teater, musica e chant. Ella è il giast tar Rico Valär en l'emissiun «Discurs».
RR Marella 09:00