Siglir tar il cuntegn

Header

audio
«Nus essan umans ed umans dovran schanzas»
Or da Marella dals 15.11.2020.
laschar ir. Durada: 46:17 minutas.
cuntegn

La Marella «Nus essan umans ed umans dovran schanzas»

En Svizra vivan 1,7 milliuns persunas cun in impediment. Quant grev èsi per quellas da fitgar pe en l’uschenumnà «emprim martgà da lavur»?

Il 2014 ha era la Svizra suttascrit la convenziun da l’ONU davart ils dretgs da persunas cun impediment. Entras quai è ella tranter auter era s’obligada da procurar per in access inclusiv al mund da la lavur.

Tant la teoria. Mo co guarda quai ora en la pratica? Sche mintga tschintgavla persuna en Svizra viva cun in impediment, na stuess ins betg vesair la medema quota en il martgà da lavur?

Ils quatter chapitels da La Marella:

  • Visita a Rabius tar Arnold «Noldi» Maissen che raquinta, co ch'el n’ha d’in di sin l’auter betg pli pudì lavurar sco ortulan ed ha stuì reinventar sia vita professiunala.
  • Visita en la scola professiunala a Giuvaulta, il link avra en ina nova fanestra. Per giuvenils cun impediments cognitivs u impediments d’emprender n’èsi savens betg pussaivel d’absolver in emprendissadi tradiziunal. Ma tge lura? L’integraziun automatica en il segund martgà da lavur? En il Grischun propona il center per pedagogia speziala Giuvaulta in’alternativa: l’emprendissadi pratic, adattà a las capacitads da l’individi.
  • Discurs cun Melina Maffei. Malgrà ch’ella ha terminà ses emprendissadi mercantil cun bunas notas, ha ella scrit passa 200 annunzias avant da survegnir ina plazza tar la Pro Infirmis, il link avra en ina nova fanestra. Era sch’i na saja mai vegni argumentà uschia, èsi cler per ella: «quai è pervia da mia sutga da rodas.»
  • Visita a Turitg en l’Institut pedagogic Unterstrass, il link avra en ina nova fanestra. Qua datti dapi quatter onns il project «écolsiv», in project che vul pussibilitar a persunas cun impediment cognitiv da far ina scolaziun che permetta pli tard da lavurar en scolas primaras.

RTR Marella 09:00

Artitgels legids il pli savens

Scrollar a sanestra Scrollar a dretga