La Marella - «Paun da lavur – paun da savur» - Cultura

La Marella metta ils mauns en la pasta e sa fatschenta cun il paun, in nutriment ch’è dapi millennis sin nossas maisas.

I dat propi in «revival» da paun
Autur: Angela Jeghermainafatschenta tar John Baker

La Marella fa in gir tras la pasternaria «John Baker, il link avra en ina nova fanestra» a Turitg, quai ensemen cun la mainafatschenta Angela Jegher. En questa furnaria fitg urbana pudess ins chattar ina u l’autra clav per in futur persistent dal mastergn da pasterner.

Ils collavuraturs na lavuran betg en in tschaler, mabain en la glisch dal di e gist davos la teca da vendita.

Ils pauns vegnan fatgs «a moda veglia» e senza agiunt da chemia. Tut ils products èn biologics e (sche pussaivel) regiunals.

La pasta da lur paun ruaussa dus dis avant da vegnir messa en furn. Quai rendia il paun pli digeribel ed el restia pli ditg lom.

Il cumbat encunter il rument ed il sfarlattim da vivonda è era in grond tema. Tar John Baker na vegn fiers davent nagin paun e pachetadis da plastic tschertg’ins in van en la furnaria.

Ina pasternaria bain visibla tras vaiders.

Maletg 1 / 5

Legenda: La pasternaria «John Baker» a Turitg. MAD

Maletg 2 / 5

Legenda: Angela Jegher, mainafatschenta tar «John Baker». MAD

Maletg 3 / 5

Legenda: Tar «John Baker» vesa il client l’atelier da producziun. MAD

Maletg 4 / 5

Legenda: Tar «John Baker» ruaussa la pasta dus dis avant d’ir en furn. MAD

Maletg 5 / 5

Legenda: Era tar la pastizeria vegn tgirà l’artisanadi – quà vairs «croissants» franzos. MAD

Mes project è in omagi al paun!
Autur: Piroska Szönyeartista

La Marella è era s’entupada cun l’artista grischuna Piroska, il link avra en ina nova fanestra. Entras si‘istorgia da famiglia ha ella emprendì che avair paun è in luxus che blers na stiman forsa betg pli avunda.

Perquai è ella sa lantschada en in project dad art tut aparti: in omagi al paun!

Ses «Brot-O-Typ» duai esser insatge per l’egl, per l’olma, per l’intelletg e sa chapescha era per la bucca!