Siglir tar il cuntegn

Header

audio
Psst!
Or da Marella dals 01.12.2019.
laschar ir. Durada: 42 minutas 27 Secundas.
cuntegn

La Marella Psst!

En noss mintgadi daventa il silenzi ina chaussa pli e pli rara. Tge èn las consequenzas da quai?

En trais chapitels sa fatschenta La Marella cun il silenzi e ses cuntrari:

autos
Legenda: La statistica demussa: esser exponì a canera è malsanadaivel Keystone
Mintg’onn moran circa 500 persunas pervia da la canera!
Autur: Peter Ettlerpresident da la «Liga svizra encunter la canera»

En in emprim chapitel lascha La Marella vegnir a pled Peter Ettler. Sco president da la «Lärmliga Schweiz, il link avra en ina nova fanestraavrir en il browser» vegn el confruntà regularmain cun las consequenzas che la canera ha sin l’organissem dad umans: stress, agressivitad, miserias da sa concentrar, difficultads d’emprender, diabetes e malsognas cardiovascularas – per mo numnar intginas.

Quai che l’organisaziun observa era: il silenzi è vida daventar ina chaussa che mo ils pli privilegiads pon sa prestar, fertant che la populaziun dischavantagiada è obligada da viver en lieus exponids a canera e metta entras quai en privel sia sanadad.

audio
Canera è malsanadaivla
ord Marella dals 01.12.2019.
laschar ir. Durada: 11 minutas 57 Secundas.
stanza da meditaziun
Legenda: Fissas vus abel da taschair e meditar durant in’emna sco Linus Berther? MAD Center Lassalle
Il silenzi fa tema, i n’è betg simpel d’al supportar!
Autur: Linus Bertherscolar da zen

En in segund chapitel sa focussescha La Marella sin il silenzi, insatge che Linus Berther enconuscha bain. Dapi onns è el scolar da zen e fa regularmain entiras emnas da meditaziun silenziusa en in center da furmaziun da la Svizra centrala., il link avra en ina nova fanestraavrir en il browser

Lev na saja betg da supportar il silenzi, pertge el ans confruntia cun noss mund intern. Forsa è quai in motiv, pertge che bleras e blers da nus paran da betg pli vertir silenzi e tschertgan semper ina distracziun auditiva?

audio
Linus Berther ed il silenzi
ord Marella dals 01.12.2019.
laschar ir. Durada: 11 minutas 36 Secundas.
La stanza anecoica dal METAS
Legenda: La stanza anecoica dal METAS MAD Metas
Questa stanza è segir in dals lieus ils pli silenzius da la Svizra
Autur: Jürg Niederhausermanader dal stab dal METAS

En in terz chapitel fa La Marella ina visita al METAS, il link avra en ina nova fanestraavrir en il browser. Là sa chatta ina raritad: ina stanza anecoica, nua che nagut na resuna!

Questa stanza dovra il METAS per far verificaziuns da mesiras. Ma tgisà, pudessan questas stanzas silenziusas era influenzar l’architectura dal futur?

audio
Ina visita en in dals lieus ils pli silenzius da la Svizra
ord Marella dals 01.12.2019.
laschar ir. Durada: 11 minutas 15 Secundas.

RTR Marella 11:00

Artitgels legids il pli savens

Scrollar a sanestra Scrollar a dretga