Tenor il filosof Iso Camartin s'occupan gia ils texts ils pli vegls cun la dumonda: «Tge ston ins far per savair esser pli u main ventiraivel?» Divers filosofs grecs eran da l’avis che la vita haja mo senn, sch'ella saja er colliada cun plaschairs. Per auters eri gia avant passa 2'000 onns cler:
Daventar ventiraivel sul sulet è in chaussa quasi nunpussaivla.
La scienza actuala di che mo 10% da nossa ventira dependia da las circumstanzas e noss conturn, pia sche nus avain ina bella chasa, in bun job, uffants u bleras vacanzas. Ed il rest?
Marina Berini, docenta per l'uschenumnà «Schulfach Glück», di: «Savair esser engraziaivel è la pli gronda forza en favur da la ventira.»
Tge che fa ventiraivel nossas audituras ed auditurs è fitg individual. Ina constanta para dentant dad esser la natira.
Ventira? Trair en il chalzers da muntogna e far si bain las curegias, lura va la ventira davant ils pes si enfin sisum sco in chametg, mo ir, ir, ir...
La Marella sa metta a la tschertga da la ventira, da sias ingredienzas e las differentas strategias per daventar fortunà.
RR La Marella 09:00