Ils 2 da fanadur 1847 chattan ins a Trun sper il Rain ina dunna da 36 onns assassinada a moda bestiala. Immediat entschaivan il mistral Arpagaus ed ils dus langeghers cun las investigaziuns.
Tar in dunna che è vegnida mazzada uschia bestialmain a la riva dal Rain e che era lura er anc en speranza han ins immediat suspectà persunas dal conturn.
L’autur Rico Tambornio ha scuvert mo per cas las actas dal process da l’assassinat da Maria Catrina Derungs. Ordlonder ha el lura sviluppà in roman criminal-istoric. Il cudesch «Il scutinem dallas olmas» è cumpri la stad passada.
Ensemen cun l’autur, cun l'istoricher Martin Camenisch e cun extracts or dal cudesch preschenta la Marella l'istorgia da Maria Catrina Derungs e da ses assassin Giachen Condrau Spescha. El è la davosa persuna che ins ha executà en Grischun.
Jau sun segir, che il Spescha na fiss betg vegnì executà sche el avess comess il crim 10 onns pli tard.
La dumonda da grazia dal Giachen Condrau Spescha è vegnida refusada dal Cussegl Grond dal chantun Grischun l'atun 1847 cun 31 encunter 26 vuschs.
Questa Marelle è vengnida realisada la stad 2018.