Siglir tar il cuntegn

Header

cuntegn

Marella Las punts da Tavanasa – tragedias, traffic ed istorgias

In inschigner da renum mundial, la bova dal 1927 e trais punts.

A Tavanasa giogan las punts ina rolla centrala. Qua datti la punt nova da Jürg Conzett, inaugurada l’atun 2016, la punt veglia da Walter Versell ch'ins ha sanà e che serva oz a ciclists e peduns e lura quella ch'è ida cun la bova e che n'exista betg pli.

Fotografia en alv e nair da la punt da Robert Maillart
Legenda: La punt da Tavanasa da Robert Maillart Questa punt vala anc oz sco capodovra da l'inschigneria FOTO: CARL LANG / CAPAULIANA / FOTOSTIFTUNG GRAUBÜNDEN

Enfin oz e questa punt, construida il 1905 da Robert Maillart, la pli enconuschenta, perquai ch'ella era spectaculara per ses temp. Ina construcziun ligera, filigrana e bella. Pli tard ha lur Maillart era fabritgà la «Salginatobelbücke» en il Partenz, che porta oz il label sco patrimoni cultural mundial.

Maillart ist einer der bedeutendsten Konstrukteure des 20. Jahrhunderts, weil er durch seine Ideen dem Baustoff Beton ganz neue Möglichkeiten eröffnet hat
Autur: Jürg Conzett inschigner
Fotografia en alv e nair da la bova che è passada il 1927 tras il vitg da Tavanasa
Legenda: La bova dal 1927 Set persunas han pers la vita en la bova che ha era sdrappà cun ella chasas, stallas e la punt. FOTO: CARL LANG / CAPAULINA / FOTOSTIFTUNG GRAUBÜNDEN

Ils 25 da settember 1927 è ina bova passada tras il vitg da Tavanasa. Alice Cathomas era in mattetta, cura ses tat è mort en la bova. A Tavanasa èn mortas quel di set persunas.

Fotografia dal chau d'Alice Cathomas
Legenda: Alice Cathomas Cura che il tat d'Alice Cathomas è mort il 1927 sin la punt da Tavanasa, aveva ella sis onns. FOTO: WILFRIED-DECHAU.DE/NOSSA PUNT

Mo in onn suenter la bova han ins inaugurà ina nova punt, concepida da l’inschigner da Cuira Walter Versell. Cur che ins ha lura realisà il 2016 puspè ina punt nova per il traffic modern, s’ha in uniun engaschada per salvar la punt da Versell ed impedir che ella vegnia stgarpada giu.

Punts en objects positivs che collian vitgs, glieud e generaziuns.
Autur: Rita Cathomas-Bearth presidenta da l'uniun NOSSA PUNT

L'ustiera e mussadra Alice Cathomas, l'inschigner da punts Jürg Conzett, l'autur da Tavanasa Arno Camenisch, Rita Cathomas-Bearth e l'etnolog e schurnalist Peter Egloff ch'è sa mess sin ils fastizs da l'istorgia da las punts – els tuts èn colliads en lur moda cun ina u pliras punts da Tavanasa.

Fotografia dal chau dad Arno Camensich
Legenda: Arno Camenisch è ì 1000 giadas sur la punt. Il scriptur da Tavanasa è s'engaschà per mantegnair la punt da Versell. FOTO: WILFRIED-DECHAU.DE/NOSSA PUNT
La punt è sco il cunfin tranter sulegl e sumbriva.
Autur: Arno Camenisch autur

Ina Marella realisada l’atun 2017.

video
Onn da catastrofas 1927
Or da Giuventetgna dals 12.08.2019.
laschar ir. Durada: 14 minutas 15 Secundas.

Artitgels legids il pli savens