La Marella lascha reviver quest preditgant multitalentà per ch’el possia raquintar da sias grondas passiuns: da la botanica, da la perscrutaziun d’insects e da cuvels, da sias excursiuns sin differents pizs. Questa passiun ha el cundividì cun ses pendant catolic e bun collega pader Palacidus a Spescha.
Bergreisen waren von Kindesbeinen an mir Freudenfeste; dieses Vergnügen hat mit den Jahren mehr zu als abgenommen. Ich habe bis 16 grosse Berggegenden durchwandert, bin über 7 Bergspitzen (Cuolms) gereiset, habe auf 12 hohen Bergjochen die Concentration der Alpen überschaut und über 30 Alpsennereien in Bünden besucht.
Vita duranta è Luzius Pol stà chatschà dal giavisch da far insatge per l’utilitad publica e da meglierar la vita dals concarstgauns. Perquai è el sa fatschentà durant blers onns cun la correcziun dal flum Landquart. Ses plans per dumagnar il flum per garantir uschia ina via charrabla tras il Partenz han la finala dentant fatg naufragi. El è mort il 1828, ses project da correcziun han ins lura realisà pir 30 onns pli tard.
Legenda:
Erbari da Luzius Pol
L'erbari da Luzius Pol cumpiglia var 800 plantas indigenas ed è passa 240 onns vegl. El vegn oz conservà en il Museum da la natira dal Grischun a Cuira.
RTR, Maria Victoria Haas
audio
Luzius Pol tranter scienza e religiun
ord Vita e cretta dals 01.09.2019.
Maletg: RTR, Maria Victoria Haas
laschar ir. Durada: 13 minutas 56 Secundas.