Siglir tar il cuntegn

Header

audio
Murmarera – prest emblidà?
Or da Marella dals 21.07.2019. Maletg: MAD
laschar ir. Durada: 42 minutas 18 Secundas.
cuntegn

Marella Murmarera – prest emblidà?

Ils 17 d'october 1948 han ils votants da Murmarera dà glisch verda per unfrir lur vitg a las ovras electricas da Turitg. Cun tge consequenzas? Ed èn tut las plaja oz propi guaridas?

La destrucziun ed inundaziun dal vitg da Murmarera cun sias 29 chasas e 52 stallas – unfrì a las ovras da Turitg (EWZ) – n'ha betg be procurà per blers raps en las cassas vidas, mabain er per bleras cuntraversas.

Igl è in’illusiun ch'igl era insatge paradisic da star enta Murmarera e ch'i fiss anc ussa grondius sch'i na fiss betg vegnì il lai.
Autur: Duri Loza (1920-2012) Augsegner oriund da Murmarera

Ils ins han vendì lur possess a l’EWZ da libra voluntad, sin auters han ins fatg pressiun u lura exproprià lur possess. La finala aveva la radunanza communala ditg cun 24 cunter 2 vuschs gea a la concessiun. Ins discurriva da vuschs cumpradas e praticas dubiusa. Tensiuns, renfatschas e scuidanza ha marcà sur decennis la vita en vischnanca.

Quai fa part da l’istorgia contemporana, nus na taschentain betg quai, dentant na renfatschain nus era betg di per di, quai ch'è schabegià quella giada.
Autur: Harry Graf Pledader da media da l’EVZ
Fotografia en alv e nair, da las lavurs vid il mir dal Lai da Murmarera
Legenda: Murmarera 1952 MAD ETH-Bibliothek Zürich, Bildarchiv / Fotograf: Comet Photo AG (Zürich) / Com_M01-1004-0007 / CC BY-SA 4.0

Ins ha fabritgà in nov vitg sur il lai da Murmarera, ina vischnanca che ha dapi decennis in dals pes da taglia ils pli bas dal chantun. Blers abitants han dentant bandunà ils onns 1950 lur vitg. Aveva Murmarera il 1950 anc 140 abitants eran quai diesch onns pli tard mo pli 28.

Oz è il destin da Murmarera per blers mo pli istorgia. Èn las plajas dentant propi guaridas suenter 70 onns? E tge legendas, tge istorgias han ins construì enturn il vitg destruì?

Fotografia dal mir e dal Lai da Murmarera sco che el sa presenta oz
Legenda: Murmarera 1990 Il mir ed il Lai da Murmarera oz ETH-Bibliothek Zürich, Bildarchiv/Stiftung Luftbild Schweiz / Fotograf: Swissair Photo AG / LBS_L1-900569 / CC BY-SA 4.0

Per questa Marella da l’atun passà avain nus retschertgà en archivs e discurrì cun persunas che portan vinavant la memoria dal vitg. L’istorgia da Murmarera è in metafra per il progress dals onns 1950 e 60.

RR Marella 09:00

Artitgels legids il pli savens