Queeny ha gì disfortuna: La chogna da 10 onns è vegnida cun sia patta sut il pe dad in chaval. La veterinaria Marianne Caviezel-Ring da Scuol ha savì gidar Queeny – ed er a ses patruns èn cuntents ch'i va puspè meglier cun lur chaun. In chaun, ch'è pli commember da famiglia che be in dad auters animals da niz sin il bain puril.
En general constatescha la veterinaria da ses mintgadi che sia clientella haja ina relaziun sauna cun ses animals. En Engiadina Bassa na fetschian ins per regla betg tractaments stravagants per prolungar la vita dad in animal, sche quel patescha be anc.
1 / 4
Legenda:
Senza far mucks –
chaun Queeny lascha guardar a la veterinaria sia patta ferida.
RTR, Isabelle Jaeger
2 / 4
Legenda:
Teamwork en la pratica –
la veterinaria, ils patruns ed il chaun, tut che cooperescha.
RTR, Isabelle Jaeger
3 / 4
Legenda:
«Neve, Lou?»
er il chaun da la veterinaria sa che sia patruna ha gugent el.
RTR, Isabelle Jaeger
4 / 4
Legenda:
Marianne Collenberg-Ring e ses chaun Lou en la pratica a Scuol.
RTR, Isabelle Jaeger
Ambivalenta è er nossa relaziun cun armas, sco aviuns u mazzacuns. En ils tschalers dal Museum retic dattan spadas, alumbards e schluppets perditga da la fascinaziun da l'uman per armas.
Andrea Kauer, la directura dal Museum retic, ed Yves Mühlemann, il schef da la collecziun dals bains culturals, tgiran en tut var 1'600 armas ed auters accessoires militars – er sche l'istorgia da battaglias ed eroxs è scumparida in zic ord il focus dals istorichers d'ozendi.
1 / 11
Legenda:
Plitost per far parada che per purtar la mort –
ina spada franzosa dal 1800.
RTR, Isabelle Jaeger
2 / 11
Legenda:
In mussament dal fieu da l'arsenal da Cuira il 1860 –
il fieu ha luà ensemen ferramenta da l'arsenal sco ils buttuns d'unifurmas ch'ins vesa anc sco elements radunds.
RTR, Isabelle Jaeger
3 / 11
Legenda:
La directura Andrea Kauer egl en egl cun l'istorgia militara –
ina sparta, che la perscrutaziun istorica d'ozendi negligescha plitost.
RTR, Isabelle Jaeger
4 / 11
Legenda:
Yves Mühlemann preschenta in'exclusivitad grischuna –
in mazzacun, ch'è vegnì surdà anc il 19avel tschientaner a la schuldada grischuna per ir en servetsch.
RTR, Isabelle Jaeger
5 / 11
Legenda:
Perditgas da lavur manuala preziusa –
armas avevan adina er ina valur represchentativa.
RTR, Isabelle Jaeger
6 / 11
Legenda:
Il mazzacun dal 19avel tschentaner –
in dals objects preferids dal manader da la collecziun, Yves Mühlemann.
RTR/Isabelle Jaeger
7 / 11
Legenda:
In tschaler sco in arsenal medieval –
spadas e sabels en il depot da bains culturals dal Museum retic.
RTR, Isabelle Jaeger
8 / 11
Legenda:
Ina pistola per chavaltgaders –
questa pistola da la fin dal 17avel tschientaner ha in mecanissem tut spezial.
RTR, Isabelle Jaeger
9 / 11
Legenda:
Betg be in corn da pulvra –
quest corn porta a sanestra ina clav en furma quadrata per trair si il mecanissem da la pistola da chavaltgaders.
RTR, Isabelle Jaeger
10 / 11
Legenda:
In corn da pulvra ord in veritabel corn –
el mussa ina scena da chatscha cun chatschaders, trais chauns ed ina vulp.
RTR, Isabelle Jaeger
11 / 11
Legenda:
Ina channa sco in chanun –
ils schluppets dad ina giada eran plitost chanuns pitschens che in'arma per dar sajets exacts.
RTR, Isabelle Jaeger
En l'ospital Fontana a Cuira è La Marella sa scuntrada cun Prisca Collenberg. La dunna da Samedan, che stat uss a Lumbrein en Val Lumnezia è dapi 10 onns spendrera.
Durant quest temp ha ella scuntrà passa 350 babs – e fatg l'experientscha, ch'ils babs dal 2020 prendan gia bler dapli part tar il parturir ch'ils babs dal 2010.
1 / 6
Legenda:
Pronta per il discurs –
Prisca Collenberg raquinta da sia lavur sco spendrera a Cuira.
RTR, Isabelle Jaeger
2 / 6
Legenda:
Tut è pront per la proxima dunna e ses uffant – e natiralmain er il bab.
RTR, Isabelle Jaeger
3 / 6
Legenda:
Prisca Collenberg ed ina collega en la partiziun da part dal Fontana.
RTR, Isabelle Jaeger
4 / 6
Legenda:
Las spendreras en il Fontana –
ellas lavuran en la clinica da dunnas da l'ospital chantunal a Cuira.
RTR, Isabelle Jaeger
5 / 6
Legenda:
Tar la lavur da la spendrera tutga adina puspè er lavur administrativa.
RTR, Isabelle Jaeger
6 / 6
Legenda:
Prisca Collenberg procura che tut saja pront per la proxima pagliolanca.
RTR, Isabelle Jaeger
