Siglir tar il cuntegn

Header

audio
Umens exausts
Or da Marella dals 08.11.2020.
laschar ir. Durada: 35:34 minutas.
cuntegn

Marella Umens exausts

Ils umens èn in problem. A questa conclusiun pudess ins vegnir, sch’ins legia las suandantas statisticas: Trais quarts dals delicts en Svizra vegnan commess dad umens, tar bunamain 90% dals omicidis èn umens ils malfacturs.

Dentant han er ils umens blers problems. A quella conclusiun pon ins vegnir, sch’ins legia la statistica davart suicidis: Trais da quatter suicidis vegnan fatgs dad umens. Èn quai problems genuins dad umens u reproduceschan umens be rollas che vegnan attribuidas ad els?

L’exposiziun actuala en il Museum naziunal a Turitg porta il titel: «Der erschöpfte Mann». L’exposiziun sa fatschenta a moda ludica ed associativa als archetips e stereotips da l’um – e co che quels sa midan en il decurs dals tschientaners da l’erox musculus antic fin ad in sex fluid, bain savend ch’i na dat betg «il um».

E co èsi oz cun ils umens? Nus avain discurrì cun ils curaturs da l’exposiziun, Juri Steiner e Stefan Zweifel e davart il preschent er cun l’incumbensà dal chantun Grischun per dumondas dad egualitad, Nicolas Zogg.

RTR marella

Artitgels legids il pli savens

Scrollar a sanestra Scrollar a dretga