Be reducir la rolla da las dunnas en la baselgia catolica sin il sacramental, quai saja donn per las forzas. Quai di Mariano Tschuor che s’engascha dapi plirs onns per la claustra Marienstein en il chantun Soloturn. Questa dumonda stoppia vegnir schliada insacura, perquai ch’ins na possia betg sclauder la mesadad da la populaziun cristiana. La protesta na gida nagut, la participaziun schon.
Marienstein è bagnà da las oraziuns da quels millis e millis pelegrins.
A Mariano Tschuor dat la religiun orientaziun ed è er in mussavia. En grevs muments è la religiun, èn ils ritus da la religiun il pli grond confiert. El haja sentì quai fitg ferm tar la mort da sia dunna.
Dapli biografias el profil
La lavur cun ils paders a Marienstein dat blera satisfacziun dentant er blers pensiers.
En nossa vita vai adina per relaziuns, per il barat cun il concarstgaun, di Mariano Tschuor en il «Profil» da RTR. Sun jau gists, hai jau ils dretgs pleds. Insatge dal pli sgarschaivel èn ils pregiudizis. E magari er cun esser memia tschert, da vulair posseder la vardad. La tschertezza è tissi per la toleranza e per scadina sentupada. Vegnir u restar in bun carstgaun è in trenament da la vita. Nus avain en nus ils vizis e las virtits, e quai è in cumbat permanent tranter bun e schlet.
Ils pli blers putgads faschain nus cun la lieunga.
In’ura cun biografias, destins, istorgias ed experientschas da giuven e vegl ch’han da dir u da raquintar insatge.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Mariano Tschuor da Laax aveva professiunalmain mess fil en guglia per lavurar en il teater. Insacura ha el percurschì ch’el na saja betg bun avunda per restar en il teater. Restads èn dentant la passiun e l’engaschi per il teater laic. «L’autenticitad sto esser fitg auta en il teater. Qua stoss ti pudair sa demascrar dal tuttafatg», di Mariano Tschuor.
Bernard Cathomas è il vair piunier e creader da RTR.
36 onns ha Mariano Tschuor lavurà per la SRG SSR. Blers onns è el stà producent, redactur e moderatur d’emissiuns da SRF, sco «Bsuech in» u «Landuf landab». Turnà a Cuira è el perquai che Bernard Cathomas, ch’era lura directur da RTR, ha dumandà el da vegnir sco schefredactur.
RTR è adina stà il laboratori d’experiment da l’entira SRG SSR.