Mario Devonas è cun corp ed olma pur da chauras – dentant adina sco hobi. L'emprendissadi ha el fatg sco stuccatur e lavurà passa 30 onns sin ils plazzals. La firma che ses bab ha fundà n'ha el betg vulì surpigliar – el na saja betg il tip da biro.
Mario Devonas è il pli gugent en stalla cun sias chauras. Quai quiateschia e relativeschia, di l'um da 55 onns. Ussa, cun 55 onns, ha el dentant reducì il dumber da chauras e nursas en stalla per avair dapli temp. Il bab da dus uffants creschids di ch'el saja in um fortunà – quai saja sia tenuta da vita. En il Profil raquinta Mario Devonas natiralmain da sias chauras, dal mument da pel-giaglina da chatscha e da ses surnum Cadorna.