Siglir tar il cuntegn

Header

video
Mario Pacchioli sin turnea en in camiun enstagl sin tribunas grondas
Or da Telesguard dals 19.10.2021.
abspielen. Laufzeit 4 minutas 48 Sekunden.
cuntegn

Mario Pacchioli Cun Brel, Barbara ed in camiun sin turnea

L’artist Mario Pacchioli ha scrit ensemen cun Laurent Brunetti avant dus onns in nov toc da teater. Pront per las tribunas ha corona dentant serrà la tenda a tut ils teaters en Frantscha. «Ni Brel ni Barbara» ha dentant chatta la via sin tribuna malgrà lockdowns – grazia ad in teater sin sis rodas.

Enstagl sin tribunas grondas, gioga Mario Pacchioli ses nov toc en in camiun. L’artist sursilvan che viva dapi intgins onns en Frantscha resista als lockdowns e va tuttina sin turnea cun «Ni Brel ni Barbara».

Questa idea è sa sviluppada il segund di dal lockdown. Nus avain tschertgà ina soluziun co tuttina giugar teater ed avain chattà quest camiun. Uschia essan nus autonoms e savain giugar er senza salas da teater.
Autur: Mario Pacchioli Artist

Sin viadi èn els cun ina sala da teater mobila che porscha plaz a 90 aspectaturs ed aspectaturas. La turnea cun il camiun ha manà Mario e Laurent e lur toc «Ni Brel ni Barbara» en blers lieus senza chasas da teater. Cultura sin rodas er sper las metropolas da teater. Suenter 40 preschentaziuns turnan Brel, Barbara, Laurent e Mario puspè a chasa en Frantscha, enavos sin las tribunas grondas.

 

Telesguard 17:40

Artitgels legids il pli savens

Scrollar a sanestra Scrollar a dretga