Cun 14 onns è ella vegnida a Cuira per ses davos onns da scola. In grev cumenzament en la segunda secundara.
Sch’ins na tschantschava betg da Cuira eran ins in trampel e vegniva er tractà uschia, sco in tabalori.
Suenter il seminari da scolastas e scolasts a Cuira, gist il di ch’ella ha survegnì la novitad d’avair passà l’examen final dal seminari, ha la futura moderatura da RTR era survegnì la novitad dad esser en speranza.
In schoc l’emprim mument – uss stoss prender ina decisiun co vinavant. Ma suenter avair prendì quella: bain, quai è flot che nus vegnin geniturs.
Dapi paucs dis è Marionna Lombriser pensiunada. En il Profil raquinta ella da sia vita e varts main enconuschentas al public da RTR.