Martin Cabalzar è stà scolast primar e scolast secundar. Suenter diesch onns en stanza da scola, il 1987, ha el midà tar la «Gasetta Romontscha». «L’invenziun principala da quest temp è stà il fax», di Martin Cabalzar en il profil. «Jau scriveva mes text a Glion cun maschina, fascheva lura in fax a Mustér e quels vegnivan lura scrits giu, tschentads per la stampa.»
La «Gasetta Romontscha» era da lez temp ina gasetta da partida ed el haja empruvà dad avrir ella.
Giusep Capaul era l’incarnaziun da la mamma baselgia, da la PCD e da la politica conservativa cristian-sociala.
Mez dals onns 1990 era in temp burascus e difficil. Cun il resultat da la naschientscha da la Quotidiana. «Quai è stà ina fasa terribla. Ma da l’autra vart eran nus ina truppa fitg motivada da far in nov product», di Martin Cabalzar.
Jau hai dà si navidas la «Gasetta Romontscha». En Surselva aveva quella ina ferma posiziun e blers abunents ed abunentas.
Sper sia lavur sco schurnalist aveva Martin Cabalzar ils pli differents uffizis politics e culturals. Il pli gugent è el stà mistral e president communal. Il motiv saja ch’ins possia en quests uffizis realisar insatge concret ed er gidar la glieud. Quai che pertutga ils uffizis culturals, schai cunzunt la litteratura a cor ad el.
Dapli biografias interessantas en il profil
Jau hai gì la schanza d’avair in’interessanta clamada, ina posiziun clav en il moviment rumantsch sco redactur da la quotidiana.