La giuvna Palestinaisa è ina da quatter dunnas, che l'Israeliana Iris Hassid ha purtretà en ses project «A Place of Our Own».
Fotografias da dunnas palestinaisas fatgas dad ina fotografa gidieua expostas en museums gidieus ad Amsterdam e Hohenems – la Vita e cretta cun in'avischinaziun ad in project che fa punts tranter duas identitads en in pajais.
«A Place of Our Own» en extracts
-
Bild 1 von 14. 01 Samar, Aya, Saja e Manar en in auto. Bildquelle: Iris Hassid.
-
Bild 2 von 14. 06 Samar, Majdoleen e Saja, sientamauns, apartament da Majdoleen e Saja, Ramat Aviv. Bildquelle: Iris Hassid.
-
Bild 3 von 14. 12 Samar, demonstraziun per agir statal per far ina fin a violenza cunter dunnas, Charles Clore Park, Tel Aviv . Bildquelle: Iris Hassid.
-
Bild 4 von 14. 13 Samar Qupty, kufiya, HaNevi’im Street, Tel Aviv . Bildquelle: Iris Hassid.
-
Bild 5 von 14. 16 Aya Khairieh Heib, valisch, Ramat Aviv, Tel Aviv . Bildquelle: Iris Hassid.
-
Bild 6 von 14. 30 Samar, Aya, Saja e Manar, Bank, Haim Lebanon Street (University Street), Ramat Aviv . Bildquelle: Iris Hassid.
-
Bild 7 von 14. 31-32 Majdoleen e Saja, supermartgà, Broshim Center, Ramat Aviv . Bildquelle: Iris Hassid.
-
Bild 8 von 14. 41 Samar, sia mamma e cusrinas, pipa d’aua, la veranda da la nona, Nazareth . Bildquelle: Iris Hassid.
-
Bild 9 von 14. 43 Signals da traffic, che mussan la via a Nazareth e Kafr Kanna . Bildquelle: Iris Hassid.
-
Bild 10 von 14. 45 Samar, terren da la famiglia, il vitg Makhoul . Bildquelle: Iris Hassid.
-
Bild 11 von 14. 46 Saja Hakim, valisch, Ramat Aviv, Tel Aviv . Bildquelle: Iris Hassid.
-
Bild 12 von 14. 47 Majdoleen Khatib, valisch, Ramat Aviv, Tel Aviv . Bildquelle: Iris Hassid.
-
Bild 13 von 14. 53 Bandieras cotschnas, demonstraziun per agir statal per far ina fin a violenza cunter dunnas, Charles Clore Park, Tel Aviv. Bildquelle: Iris Hassid.
-
Bild 14 von 14. Il titel dal project dad Iris Hassid, che vegn exponì en il Museum Gidieu a Hohenems (A). Bildquelle: mad.
Quatter giuvnas Palestinaisas cun passaport israelian
Saja Hakin, Majdoleen Khatib, Aya Khairieh Heib e Samar Qupty èn quatter dunnas giuvnas palestinaisas. Ellas han la carta d'identitad u il passaport israelian, «sche nus vulain u betg», di ina dad ellas, Samar Qupty. Questa identitad ha sveglià l'interess da l'Israeliana Iris Hassid.
L'onn 2014 ha ella cumenzà ad accumpagnar las quatter studentas cun sia camera e da discurrer cun ellas da lur ambiziuns, amicizias, famiglias e lur engaschament politic-social.
La fotografa cun ragischs en il mund diplomatic
La fotografa Iris Hassid è creschida si sco figlia dad ina famiglia en il servetsch diplomatic. Quai haja gì grond’influenza sin ella e sin sia lavur dad oz, scriva la dunna israeliana sin sia pagina en la rait.
Ella sa deditgescha en emprima lingia al tema identitad e cultura da dunnas giuvnas da differentas provegnientschas. Surtut a cor stat ad Iris Hassid il rapport cun las persunas, ch’ella fotografescha.
Il museum gidieu che fa la punt tranter identitads
Dapi sia fundaziun tematisescha il museum gidieu da Hohenems adina puspè la relaziun tranter maioritads e minoritads. Per gronda part sa tracti da la relaziun da la minoritad gidieua cun societads maioritaras, che circumdeschan ella. L'idea da quest'exposiziun saja da midar perspectiva, raquinta la curatura Anika Reichenbach. Ella duai dar invista en ina realitad da vita israeliana cun sfidas, obstachels e pussibilitads dad ina societad moderna ed eterogena.
L'exposiziun, ch'il museum gidieu da Hohenems (A) mussa è vegnida realisada oriundamain en collavuraziun cun il museum gidieu dad Amsterdam. A Hohenems è ella da vesair fin als 10 da mars 2024 – e quai da mardi fin dumengia tranter las 10:00 e las 17:00.