Museum regiunal Savognin - Exposiziun speziala Chor viril baselgia Savognin

Il Chor viril baselgia Savognin è vegnì fundà il 1849 da Bina Escher von der Linth, naschida a Breil cun il num de Latour (1807 – 1863). La musicista ha cun quai fundà in dals pli vegls chors dad umens ch’è oz anc activ.

Fotografia pli veglia è 140 onns veglia

Durant ils onns 1870 sur la fin dal millenni ha il chor, sut la batgetta da Stefan Wasescha, gia studegià differentas messas cun e senza accumpagnament da l'orgla che vegnan chantadas anc oz. Da quel temp è er la fotografia la pli veglia dal chor: dal 1884 a chaschun da la festa da chant chantunala a Maiavilla. Sin quella fotografia vesan ins il dirigent Stefan Wasescha ed il chancelier episcopal da lezzas uras. Placats da concerts ch’èn anc oz avant maun mussan ch’il chor era dador ses cunfins da la vischnanca. Ulteriurs dirigents e vicedirigents èn tranter auter stads Peder Spinatsch, divers scolasts, Rudi Netzer, Gion Giatgen Steier, Gionign Arpagaus e Jürg Wasescha. Dapi il 2010 dirigia Gianign Arpagaus il chor. Quel dumbra prest 40 persunas tranter 22 ed 82 onns.