Siglir tar il cuntegn

Header

audio
Il Festival da jazz 2021
Or da Musica dals 02.06.2021.
laschar ir. Durada: 04:19 minutas.
cuntegn

14avel Festival da jazz «Keeping Live Music Alive» – puspè gronds nums a San Murezzan

Ils stars dal jazz vegnan puspè a San Murezzan, er durant il temp da Corona. Il festival 2021 va dals 8 fin ils 31 da fanadur e preschenta ina giada dapli ils nums ils pli prominents dal jazz: Angélique Kidjo, Brad Mehldau, Rufus Wainwright, John McLaughlin, Lee Ritenour & Dave Grusin.

John McLaughlin, il 2911
Legenda: John McLaughlin Keystone

In program varià ed artistas ed artists da grond renum

Per ils fans da jazz èsi ina buna novitad: Er questa stad datti l’eveniment prestigius cun il motto «Keeping Live Music Alive». Ed ils stars stan en colonna per vegnir a San Murezzan. I spetgan sairadas cun differents stils e geners, dal Be Bop, al jazz da fusiun, da tuns latins a quels africans, da Till Brönner fin Monty Alexander..

I dat però er surpraisas e tuns nunusitads, sco il concert da la chantadura Simona Severini ed il pianist Enrico Pieranunzi ubain quel da la chantadura brita Joss Stone e quel da José James, in chantadur american che collia il jazz cun tuns da la musica actuala.

Zucchero
Legenda: Zucchero Keystone

Er quest onn las grondas vuschs

Ils stars da la musica mundiala, da pop e jazz vegnan er questa stad a San Murezzan. Ina da las chantaduras da renum mundial è Angélique Kidjo, oriunda da Benin. Influenzada da Billie Holiday, Nina Simone e Miriam Makeba è er ella s’engaschada cunter l’ingiustia ed ha perquai er stuì mitschar da sia patria. Ella vala sco ina da las artistas africana las pli impurtantas.

In auter grond star vegn a sa preschentar en il parc dal Hotel Kulm: Zucchero, dapi il 1970 ina da las vuschs prominentas dal pop e rock da l’Italia. El ha vendì sur 60 milliuns portatuns ed ha collavura cun Eric Clapton, Joe Cocker, Miles Davis e Luciano Pavarotti. Ses hits «Baila», «Bacco perbacco» e «Diamante» èn tar blers anc adina en las ureglias. En il parc dal Hotel Kulm datti lura er il concert da la saxofonista ollandaisa Candy Dulfer.

Nagins concerts en il «Dracula Club» - per la paja novs palcs

Sin l’atmosfera unica en il «Dracula Club» ston ins dentant desister. Per cumpensar quai stattan sin il programm novs lieus da concert: la sala «Karajan» en il Hotel Reine Victoria, il parc dal Hotel Kulm ed il «Embassy Ballroom» en il Badrutt’s Palace. I valan las prescripziuns actualas: 100 persunas en locals e 300 persunas dadora.

La sala dal Hotel Reine Victoria
Legenda: La sala dal Hotel Reine Victoria MAD / Henry Schulz

«NEW GENERATION #JAZZLAB»

Cun questa concurrenza vegn lantschada ina furma da promoziun per artistas ed artistas giuvens. Sper in sustegn finanzial datti l’occasiun da sa preschentar ensemen cun grondezzas dal jazz, per exempel Dave Grusin, Lee Ritenour, Omar Sosa. L’emprima concurrenza han gudogna il «MarcO Poingt Trio», il «Karoline Weidt Quartett», da Dresden e la chantadura «MISS C-LINE».

In program cun ivettas e nums prominents:

Avrir la boxSerrar la box
la sala dal Hotel Reine Victoria
Legenda: Mad / Henry Schulz

Mintg’emna datti in program plain gronds nums dal jazz, cun blera variaziun. Dal be bop al jazz da fusiun, musica cun tuns latins ed african, jazz nordic ed artistas ed artists svizzers.

Gievgia, 8.7. José James, Reine Victoria

Gievgia, 8.7. Brad Mehldau, Reine Victoria

Venderdi, 9.7. Ivan Lins feat. Jane Monheit, Reine Victoria

Sonda, 10.7. Till Brönner, Reine Victoria

Dumengia, 11.7. César Correa, god da Tais

Dumengia 11.7. Lisa Simone, Badrutt's Palace

Mesemna, 14.7. Christian Sands, Reine Victoria

Mesemna, 14.7. Rufus Wainwright, Reine Victoria

Gievgia, 15.7. John McLaughlin, Badrutt's Palace

Venderdi, 16.7. Daniel Schnyder, Eglise Au Bois

Venderdi, 16.7. Indra Rios-Moore, Reine Victoria

Venderdi, 16.7. Keziah Jones, Reine Victoria

Sonda, 17.7. Thierry Lang Heritage Trio, Reine Victoria

Dumengia, 18.7. Dave Grusin & Lee Ritenour, Lej da Staz (avantmezdi)

Dumengia, 1.8. Traktorkestar, plazza Rondo, Puntraschigna

Dumengia, 18.7. Angélique Kidjo, Lej da Staz (saira)

Mesemna, 21.7. DOMi & JD Beck, Reine Victoria

Mesemna, 21.7. Lee Ritenour & Dave Grusin, Reine Victoria

Gievgia, 22.7. Ensemble Le Phenix, god da Tais

Venderdi, 23.7. Omar Sosa & Yilian Cañizares, Reine Victoria

Sonda, 24.7. MISS C-LINE, palc sper il lai

Sonda, 24.7. Rita Payés, Reine Victoria

Dumengia, 25.7. Iiro Rantala, Chiesa San Pietro, Stampa

Dumengia, 25.7. Candy Dulfer, parc dal Hotel Kulm

Glindesdi, 26.7. Zucchero, parc dal Hotel Kulm

Mardi, 27.7. Andreas Vollenweider & Friends, Reine Victoria

Mesemna, 28.7. Monty Alexander, Reine Victoria

Gievgia, 29.7. Moka Efti Orchestra Feat. Severija, Reine Victoria

Venderdi, 30.7. Joss Stone, parc dal Hotel Kulm

Sonda, 31.7. Simona Severini & Enrico Pieranunzi, Reine Victoria

Dumengia, 1.8. Pepe Lienhard

RTR actualitad 11:00

Artitgels legids il pli savens

Scrollar a sanestra Scrollar a dretga