2015 - SKJF a Mustér - Tut è pront per la festa

Flavia Walder, la presidenta dal festival svizzer da chors d’uffants e giuvenils (SKJF) che ha lieu quests dis a Mustér, è levada gievgia en damaun cun in bun sentiment. L’organisaziun dal festival è fatga, quai che chaschuna anc in tic rumpatesta è inqual detagl. Dentant manegia Flavia Walder ch'era quai sa laschia schliar. Sper esser presidenta e mamma è ella era anc dirigenta dal chor d’uffants da Sumvitg, e sin ella spetga durant ils proxims 4 dis betg main che 7 concerts cun ses chor d’uffants.