-
Bild 1 von 13. Chiara . Han gist preschenta la single «Jealous Mary» en dus versiuns. La stad van ellas en il studio per far registraziuns. Tge che capita cun quellas stat ellas stailas. Bildquelle: MAD / Oceana Galmarini.
-
Bild 2 von 13. Martina Linn. Scriva chanzuns, ha ina nova band e va la stad ubain l'atun en il studio per registrar in disc nov. Quel cumpara il 2022. Bildquelle: MAD /Tabea Hüberli.
-
Bild 3 von 13. Ursina. Ha gist lantscha ses disc nov «When I Let Go» che cumpara ils 30 d'avrigl cun la single «Let Go». Bildquelle: MAD / Angelika Annen.
-
Bild 4 von 13. Liricas Analas. Els fan lur 6avel disc. Enfin uss datti dals rappunzs sursilvans «analogia» 2004, «analfabad» 2006, «analectrica» 2009, «analium» 2012 e «banalitad» 2016. Pel mument èn els en ina fasa creativa, pero na tradeschan betg memia bler. Pervi da la situaziun da corona ston els esser flexibels, pero quai n'impedescha els betg. Bildquelle: RTR.
-
Bild 5 von 13. Giganto. Ivo Orlik è activ e registrescha chanzuns novas. Lavurar en il studio va bain, malgra las mesiras da corona, avair ideas novas n`è pero betg usche simpel. Bildquelle: MAD.
-
Bild 6 von 13. Tumasch è. Publichescha l’album «Canzuns da retuorn» che cuntegn 4 EPs, trais da quellas èn vegnidas producidas a Mexico, ina tar Manfred Zazzi. Bildquelle: MAD.
-
Bild 7 von 13. Astrid Alexandre. I dat divers projects, er sin incumbensa, lavurs per teater ed ella fa er chanzuns e planisescha tenor la situaziun. Suenter bunamain in onn sut l'ensaina da corona è ella precauta cun far annunzias, brama pero da pudair far puspè dapli concerts, quai maunca actzualmain fitg. Bildquelle: MAD / Mattias Nutt.
-
Bild 8 von 13. Corin Curschellas. A partir dal mais avrigl èn puspè planisads concerts, mintga mais 2-3, solo, cun La Triada e l'ensemble RODAS. I dat er in disc nov che cumpara ils 17 d'avrigl. La stad passada ha ella realisa cun la cineasta Anka Schmid in film documentar da musica che duai vegnir mussà en ils kinos ed er tar SRF. Cun la TRIADA datti in program nov. Bildquelle: MAD / Adrian Vieli.
-
Bild 9 von 13. Bibi Vaplan. Preschenta durant il 2021 adina puspè singles novas da sia «Popcorn Opera». Bildquelle: MAD / Morena Buser.
-
Bild 10 von 13. Da Lombris. Claudia Lombris e sia band planiseschan da registrar la stad ina EP cun sis chanzuns novas. Bildquelle: MAD.
-
Bild 11 von 13. Tawnee. Els van questa primavaira en ils Somastudios a Zofingen. Là han els er registra l'onn passa la single «Untied». Els han gia fatg pliras EP's, quai vegn ad esser lur emprim album, in da vinil forsa er cun ina chanzun rumantscha. Els han planisà da publichar il disc quest atun. Bildquelle: MAD / Simon Garcia.
-
Bild 12 von 13. Nyna Dubois. La chantadura oriunda da Cuira, viva a Berna preschenta la primavaira in disc nov. Da quel èn cumparidas gia pliras singles. Bildquelle: MAD / Thilo Larsson.
-
Bild 13 von 13. Prefix. La band da l'Engiadin'Ota ha gia publitgà ses disc per il 20avel anniversari. La festa da preschentaziun fan els uschè spert che la situaziun permetta. Bildquelle: MAD.
Ina prevista sin l’onn musical 2021
L’onn da musica 2020 è sta in difficil. Dapi il mars paucs ubain nagins concerts, nagins festivals, far emprovas è per part sta scumandà e bleras artistas ed artists han stuì temair per lur existenza. Er il 2021 para da daventar in onn cun bleras malsegirtads: Tge vegn ad esser pussaivel? Datti puspè eveniments da musica? Pon ins lavurar en il studio e registrar discs novs?
In che ha da far mintgadi cun musica rumantscha è Manfred Zazzi, inschigner da tun ed impressari da musica dal Studio Aquarium a Turitg. Il 2020 è stà per el in onn plitost difficil:
Quest onn è quai auter, tut è organisà meglier:
La lavur en il studio è però pli cumplitgada:
Malgrà tut, en la scena da musica rumantscha datti moviment e creativitad:
Il 2021 daventa tuttina in onn plain creativitad:
Benedetto Vigne, il «bab dal rock rumantsch», fa in disc per ses 70avel, «Benni & others II – melodias da mes tat». Quai è ina revista da sia carriera musicala che ha cumenza gia ils onns 70.
Sandro Dietrich ha gia preschentà ses project «Singvögel» cun ina CD.
Pascal Gamboni publitgescha in cudesch cun sias chanzuns (texts, notas e translaziuns dals texts).
Fiona Fiasco ha fatg il disc «FOREVER FAKING» ensemen cun «Melodiesinfonie». MEMOIRS Quel cumpara il favrer.
Er il 2021 cumpara l'album nov da Djego «Sirius» Deflorin cun Marcus Aurelius.
Giani Tschenett vegn ad interpretar il 48avel e proxim Top Pop Rumantsch.
Dario Hess & Spanky Hammers han gia registrà in per chanzuns en ils Soundville Media Studios a Lucerna. Bain spert datti lura in disc nov cun la devisa «Long live Rock and Roll!