Ils Fränzlis da Tschlin - Nus n'avain mai pensà – uss creain nus in hit!

Legenda: Domenic Janett. Quà vid la clarinetta, suvent è el era vid cumponer. RTR, Esther Berther

Las registraziuns veglias na taidlel jeu betg trasora. Dentant sche jau aud ina, patratg jau per il solit - i d'era anc vaira bun.

Domenic Janett è musicist da l'emprima minuta tar ils Fränzlis. Per quest motiv po el era sa regurdar bain vid registraziuns fatgas a l'entschatta dal viadi musical. Cun il prim disc haja lu era cumenzà a girar adina dapli, di el.

audio

Ils Fränzlis da Tschlin sa regordan vid differentas registraziuns.

06:21 min, ord Actualitad dals 04.11.2019.

laschar ir. Durada: 6 minutas 21 Secundas.

Legenda: Curdin Janett. El aveva studegià inschigner da maschinas, per immediat suenter quest studi cuntinuar cun il studi da la musica. RTR, Esther Berther

Era Curdin Janett, il frar da Domenic, fa dapi il cumenzament part da la furmaziun che ha sias ragischs en la musica populara.

Madlaina Janett raquinta d'ina registraziun avant entgins onns a Tschlin. Là aveva RTR clamà ensemen prest tut ils Janetts, l'entira parentella. Durant dus dis era la stiva vegnida transfurmada en in studio, e resultà ordlunder saja ina pluna registraziuns en las pli differentas furmaziuns da Janetts. Ina fitg bella experientscha saja quai stà. Prest legendar, il fargun da naiv che manischava tut il temp tras il vitg durant far questas registraziuns cul num Janetts total.

Legenda: Madlaina Janett. Ella è la dunna che moderescha era ils concerts dals Fränzlis. RTR, Esther Berther

Durant far registraziuns n'hajan els mai ponderà, tge che pudess ussa dar in hit. Plitost far musica sincera e cun cor.

Legenda: Anna Staschia Janett. La già suna ella ensemen cun ils Fränzlis, uschiglio sa deditgescha ella a la medischina. RTR, Esther Berther

Legenda: Cristina Janett. La dunna vid il cello, sper la furmaziun dals Fränzlis da Tschlin suna ella era en furmaziuns che fan musica classica. RTR, Esther Berther

RR actualitad 07:00