50 onns dretg da votar - Dunnas fermas en la musica da pop e rock

Ils Semperverds cun dunnas fermas en la musica

Ils onns 50 e 60 eran las dunnas sutrepreschentadas en la musica da pop e rock. Elvis, Chuck Berry, Little Richard, ils Beach boys ed Everly Brothers eran ils stars. I vegniva chantà davart las dunnas, ellas eran bainvisas en il public u sco groupies.

Ellas han fatg via per las dunnas en la musica

Be singulas gruppas e chantaduras han fatg gronda carriera, sco las Supremes, las Marvelettes u las Ronettes. Quai è lura sa midà la fin dals onns 60. Adina dapli interpretas han conquistà ils studios ed ils palcs, artistas sco Aretha Franklin, Tina Turner, Wanda Jackson e Diana Ross. A partir dals onns 80 è la preschientscha da musicistas e chantaduras creschida ad in crescher, cun artistas ch'èn daventadas iconas e gronds stars sco Donna Summer, Madonna, Whitney Houston, Céline Dion, Rihanna, Adele ubain Taylor Swift.

I dat anc adina bler da far

Però er sche tut quests gronds nums dattan da crair che las dunnas sajan represchentadas bain – la realitad è in’autra. En las paradas domineschan ils umens cun sur 70%, ed er tar ils programs da festival èn artistas ina minoritad.

Tenor indicaziuns da «Helvetiarockt», la plattafurma che promova musicistas svizras sa preschenta la situaziun sin il champ da pop, rock e jazz uschia:

• Preschientscha da dunnas sin il palcs: 15% dunnas, 85% umens,
• Producziun da musica: 2% dunnas, 98% umens,
• Magistraglia tar scolas autas da musica: 12% dunnas, 88% umens

Helvetiarockt

Musicistas impurtantas dals ultims decennis:

Avrir la box Serrar la box

Billie Holiday, Ella Fitzgerald, Nina Simone, Patsy Cline, Aretha Franklin, Etta James, Dionne Warwick, Dusty Springfield, Tina Turner, Gloria Gynor, Diana Ross, Dolly Parton, Miriam Makeba, Tracy Chapman, Joan Baez, Petula Clark, Janis Joplin, Joni Mitchell, France Gall, Gianna Nannini, Stevie Nicks, Ina Deter, Nina Hagen, Gloria Estefan, Marianne Faithfull, Annie Lennox, Kylie Minogue, Kim Wilde, Suzie Quatro, Jennifer Rush, Nancy Sinatra, Pat Benatar, Bonnie Raitt, Pointer Sisters, Rickie Lee Jones, Joni Mitchell, Carole King, Linda Ronstadt, Patti Smith, Suzanne Vega, Belinda Carlisle, Madonna, Whitney Houston, Mariah Carey, Shania Twain, Bangles, Sinead O’Connor, Debbie Harry, Amy Winehouse, Céline Dion, Cher, Alicia Keys, Alanis Morissette, Björk, Norah Jones, Sina, Patricia Kaas, Adele, Beyoncé, Lady Gaga, Katy Perry, Rihanna, Britney Spears, Taylor Swift, Jennifer Lopez, Shakira, Dixie Chicks

Ils semperverds dals 3 da favrer

Ils semperverds dals 4 da favrer