La chanzun d'electropop «Bad Guy» da l'Americana Billie Eilish è vegnida «chanzun da l'onn» tar ils 62avels Grammy Awards a Los Angeles. Eilish ha prendì encunter il premi la dumengia saira ensemen cun ses frar Finneas. Els dus han scrit ensemen la chanzun.
Quai è per tut ils uffants che fan oz musica en ina chombra. Vus vegnis a survegnir uschè in premi.
En questa categoria èn ils dus fragliuns sa mess tras cunter Taylor Swift (Lover), Lady Gaga (Always Remember Us This Way) e Lana del Rey (Normal F***ing Rockwell).
La pli giuvna victura
Ultra da quai ha Billie Eilish gudagnà il premi sco «meglra artista nova». Qua ha ella gudagnà cunter Lizzo (Truth Hurts) e Lil Nas X ( Old Town Road). Er il premi per il «meglier album da l'onn» ha survegnì Eilish. La giuvna da 18 onns è en questa categoria la pli giuvna che ha survegnì quest premi dapi l'entschatta dals Grammy Awards il 1959. Avant ha ella er anc survegnì il premi per il «meglier album da pop».
RTR actualitad 08:00