Siglir tar il cuntegn

Header

cuntegn

16 festas da musica en satg Il Play Festas

Var 1000 registraziuns da chors e musicas instrumentalas a festas chantunalas e districtualas èn da chattar online sin il Play Festas. Chant e musica da nossas regiuns dals ultims diesch onns cun paucs clics.

Normalmain fa RTR mintg’onn bun 50 registraziuns. Quai èn registraziuns da discs cumpacts, da concerts ubain era da festas da chant e da musica. Bleras da quellas registraziuns vegnan preschentadas durant il program quotidian, en las gratulaziuns, il concert sin giavisch ubain durant las emissiuns tematicas.

Insaquantas da quellas avain uss mess a disposiziun online sin il Play Festas. Là pudais Vus tscherner tranter 16 festas – mintgamai otg da chant e musica. Cun 16 n'èsi dentant anc betg a fin. En il decurs dal temp suondan ulteriuras festas da chant e musica. Tranter auter sco proxima la festa chantunala da musica il 2013 a Cuira.

audio
Play Festas – uschia funcziuni
05:15 min, Actualitad dals 28.05.2021.
laschar ir. Durada: 05:15 minutas.

En la survista che cumpara lura chattais tuttas festas ch’èn messas a disposiziun. Cun cliccar sin la boxa cun la festa che Vus vulais tadlar, s’avra ina fanestra cun tuttas furmaziuns, las chanzuns ubain ils tocs da musica da quella festa. Lura manca be anc in ulteriur clic sin in dals titels e gia pudais tadlar quel. Mintga mument pudais era puspè turnar sin la pagina da survista e tscherner in’autra festa. Bun divertiment!

Tge festas èn online?

Avrir la boxSerrar la box

Festas da chant:

  • 2019 ceciliana a Sedrun
  • 2017 districtuala a Falera
  • 2016 districtuala a Poschiavo
  • 2014 districtuala a Salouf
  • 2013 ceciliana a Laax
  • 2012 chantunala a Trun
  • 2011 districtuala a Zernez
  • 2011 districtuala a Glion

Festas da musica:

  • 2019 chantunala ad Arosa
  • 2016 districtuala a Lai
  • 2015 districtuala a Ftan
  • 2015 districtuala a Sursaissa
  • 2013 chantunala a Cuira
  • 2011 districtuala a Savognin
  • 2010 districtuala a Silvaplana
  • 2010 districtuala a Trun

RTR actualitad 07:00

Artitgels legids il pli savens

Scrollar a sanestra Scrollar a dretga