Siglir tar il cuntegn

Header

cuntegn

16 festas da musica en satg Il Play Festas crescha

Avant paucas emnas è il Play Festas ì online cun 800 registraziuns da festas da chant e musica. Uss suondan anc ina giada bun 300 da la festa da chant chantunala a Trun il 2012.

Normalmain fa RTR mintg’onn bun 50 registraziuns. Quai èn registraziuns da discs cumpacts, da concerts ubain era da festas da chant e da musica. Bleras da quellas registraziuns vegnan preschentadas durant il program quotidian, en las gratulaziuns, il concert sin giavisch ubain durant las emissiuns tematicas.

Insaquantas da quellas avain uss mess a disposiziun online sin il Play Festas. Là pudais Vus tscherner tranter 16 festas – nov da chant e set da musica. Cun 16 n'èsi dentant anc betg a fin. En il decurs dal temp suondan ulteriuras festas da chant e musica. Tranter auter sco proxima la festa chantunala da musica il 2013 a Cuira.

audio
Play Festas – uschia funcziuni
05:15 min, Actualitad dals 28.05.2021.
laschar ir. Durada: 05:15 minutas.

En la survista che cumpara lura chattais tuttas festas ch’èn messas a disposiziun. Cun cliccar sin la boxa cun la festa che Vus vulais tadlar, s’avra ina fanestra cun tuttas furmaziuns, las chanzuns ubain ils tocs da musica da quella festa. Lura manca be anc in ulteriur clic sin in dals titels e gia pudais tadlar quel. Mintga mument pudais era puspè turnar sin la pagina da survista e tscherner in’autra festa. Bun divertiment!

Tge festas èn online?

Avrir la boxSerrar la box

Festas da chant:

  • 2019 festa da chant ceciliana a Sedrun
  • 2018 Rezia Cantat a Chiavenna
  • 2017 Festa da chant districtuala a Falera
  • 2016 Festa da chant districtuala a Poschiavo
  • 2014 Festa da chant districtuala a Salouf
  • 2013 Festa da chant ceciliana a Laax
  • 2012 Festa da chant chantunala a Trun
  • 2011 Festa da chant districtuala a Zernez
  • 2011 Festa da chant districtuala a Glion

Festas da musica:

  • 2019 Festa da musica ad Arosa
  • 2016 Festa da musica districtuala a Lai
  • 2015 Festa da musica districtuala a Ftan
  • 2015 Festa da musica districtuala a Sursaissa
  • 2011 Festa da musica districtuala a Savognin
  • 2010 Festa da musica districtuala a Silvaplana
  • 2010 Festa da musica districtuala a Trun

RTR actualitad 07:00

Artitgels legids il pli savens

Scrollar a sanestra Scrollar a dretga