Siglir tar il cuntegn

Header

cuntegn

35 onns producziun da musica Sis concerts ord 35 onns producziun da musica

En vista al giubileum da la producziun da musica preschentain nus ina selecziun da sis concerts ord 35 onns registraziuns.

Dapi il 1984 ha RTR registrà var 11'000 chanzuns. Bleras da quellas èn stads concerts. Concerts d'orchesters, da chors, da chantaduras, da musicists, da furmaziuns popularas, da solistas ed autras gruppas musicalas. Durant in'emna laschain nus reviver en il radio sis da quels concerts mintgamai las 20.00 uras.

Dumengia, ils 10-11 «La musica classica indigena»

«Musica classica tegnida en tun popular cumponida d'indigens» era il titel d'ina seria d'Artgs musicals dal 2005. En quest'emissiun speziala repetin nus ina part da quella seria cun cumposiziuns da Gion Antoni Derungs, Hannes Meyer, Domenic Janett, Anny Roth-Dalbert, Armin Caduff e Gion Giusep Derungs.

audio
RTR e la musica classica indigena
59:58 min, RTR Concerts dals 10.11.2019.
laschar ir. Durada: 59:58 minutas.

Glindesdi, ils 11-11 «Concert da Breitbild a Cuira»

La sonda dals 9 da november han ils rappers da «Breitbild» festivà lur giubileum da 20 onns. Els han fatg ina mega festa cun 6'000 aspectaturas ed aspectaturs en la Stadthalle a Cuira.

audio
Concert da giubileum da Breitbild part 1
59:46 min, RTR Concerts dals 12.11.2019.
laschar ir. Durada: 59:46 minutas.
audio
Concert da giubileum da Breitbild part 2
57:53 min, RTR Concerts dals 12.11.2019.
laschar ir. Durada: 57:53 minutas.

Mardi, ils 12-11 «RTR ed il chant da chors»

En quest'emissiun speziala emettain nus parts d'in concert cun chant viril dal «Coro polifonico di Ruda», registrà ils 25 da matg 2013 a Vella. In concert per il giubileum da 75 onns Chor viril Lumnezia.

audio
RTR ed il chant da chors
59:17 min, RTR Concerts dals 12.11.2019.
laschar ir. Durada: 59:17 minutas.

Mesemna, ils 13-11 «RTR e la musica instrumentala»

Ils 22 da settember 1995 avain nus registrà a Berna il concert da l'Orchester instrumental da l'Armada Svizra. Vus pudais tadlar sis cumposiziuns ch'èn vegnidas preschentadas en il Kursaal a Berna.

audio
RTR e la musica instrumentala
57:37 min, RTR Concerts dals 13.11.2019.
laschar ir. Durada: 57:37 minutas.

Gievgia, ils 14-11 «RTR e la musica populara»

La Hanneli-Musig ha concertà ils quatter da schaner 2018 a Sent. Nus vulain gugent preschentar anc ina giada a Vus quest concert, moderà da Jachen Prevost cun parts d'intervista cun Ueli Mooser.

audio
RTR e la musica populara
59:50 min, RTR Concerts dals 14.11.2019.
laschar ir. Durada: 59:50 minutas.

Venderdi, ils 15-11 «Hecht a l'Open air Lumnezia 2019»

In areal fullanà è sa preschentà a la gruppa da Lucerna la sonda saira a l'Open air Lumnezia 2019. Ed ils giuvens Stefan Buck, Christoph Schröter, Chris Filter, Philipp Morscher e Daniel Gisler han pudì ademplir las aspectativas dals fans.

audio
Hecht a l'Open air Lumnezia 2019
57:29 min, RTR Concerts dals 15.11.2019.
laschar ir. Durada: 57:29 minutas.

RTR Concerts 20:00

Artitgels legids il pli savens

Scrollar a sanestra Scrollar a dretga