Siglir tar il cuntegn

Header

audio
bandXost: In final pli u main virtual
laschar ir. Durada: 01:10 minutas.
cuntegn

bandXost In final per gronda part virtual

Otg acts cumbattan la sonda saira, ils 28 da november a Son Gagl en la Grabenhalle per il premi da promoziun en la valita totala da 14’000 francs.

Dasper il premi da promoziun spetgan la victura u il victur invits tar divers festivals e concerts. Per dar in stausch a las carrieras giuvnas survegnan ils emprims trais anc temp en in studio per registraziuns ensemen cun coachings da divers acts svizzers e sustegn cun il marketing e la commerzialisaziun. Pia, i va per bler durant quest final a Son Gagl.

In ubain plirs pass enavant da bandXost

Dapi il 2006 va l’occurrenza bandXost a la tschertga d’acts novs da la Svizra Orientala. Dapi lura han gia pliras artistas ed artists pudì far in grond pass enavant en lur carriera. Uschia per exempel Panda Lux da Son Gagl, Kaufmann da Cuira ubain Marius Bear da l'Appenzell. L’ultim che ha gudagnà il final il 2015 è silsuenter daventà Best Talent tar SRF ed è avant curt sa preschentà cun success ad in’emissiun da televisiun en Germania.

In final virtual

Pervia da corona han era ils organisaturs da bandXost gì da far midadas. Uschia dastgan be 50 persunas vegnir a guardar il final en la Grabenhalle a Son Gagl. I è dentant era pussaivel da guardar il final patgific davent dal canapé a chasa. Da las 17:50 vegn in livestream emess sin la pagina d’internet da bandXost, il link avra en ina nova fanestra.

Ils finalists 2020

BandStilLieu
Fate of FaithMetalGams
Shania BorgnaSinger-SongwriterNiederuzwil
HonorMetalRomanshorn
No More HoneyNu MetalScharans
Rapture BoyHip HopAmriswil
Clique 713Hip HopDomat/Ems
Sort of SadElectro PopGais
Corpus DelictiMetalBerg

RTR ura culturala 11:00

Artitgels legids il pli savens

Scrollar a sanestra Scrollar a dretga