Siglir tar il cuntegn

Header

video
Bibi Vaplan e sia Popcorn Opera
Or da Telesguard dals 05.03.2021.
laschar ir
cuntegn

Bibi Vaplan Popcorn Opera

L’emprim pass per lantschar in’ovra plain creativitad e surpraisas.

Bianca Mayer alias Bibi Vaplan ha fatg ina pausa creativa, ed uss è ella puspè da return cun gronds plans. Ella vul realisar in project che duai procurar per mirveglias e buccas avertas. L’artista engiadinaisa che viva en Lumnezia ha ramassà ideas ed ha zambregià en ses labor.

audio
Pausa creativa
00:20 min, Musica dals 06.11.2020.
laschar ir. Durada: 00:20 minutas.
audio
Emprimas ideas
00:14 min, Musica dals 06.11.2020.
laschar ir. Durada: 00:14 minutas.

«Crazy Popcorn 1» sa numna ses project, sia sfida. Cun la «Popcorn-Opera» va ella vias nunusitadas e preschenta ina erupziun artistica cha va en diversas direcziuns.

audio
Bleras ideas
00:21 min, Musica dals 06.11.2020.
laschar ir. Durada: 00:21 minutas.

Il punct da partenza è fatg, il punct final è anc avert e nagin sa quant ditg che tut vegn ad ir. Quai stat anc en las stailas.

audio
Realisar tut las ideas
00:27 min, Musica dals 06.11.2020.
laschar ir. Durada: 00:27 minutas.

Sia opera n’ha betg da far cun las operas classicas, pertge perquai èn sias ideas memia balurdas e sturnas. Bibi Vaplan vul sa mover sin las sendas sper vias dal mintgadi che nus enconuschain: cun creaziuns senza cunfin, da musica, litteratura, happenings, invenziuns e mini-festivals. E tut questas creaziuns duain esser grauns che schloppan, in suenter l’auter.

L’emprim plopp: Crazy Popcorn 1

audio
Ina chanzun alleghra
00:33 min, Musica dals 06.11.2020.
laschar ir. Durada: 00:33 minutas.

Cun questa chanzun cumenza tut. Ina chanzun divertenta ed allegra, cun Bibi Vaplan che s’engascha per in mund plain libertad, che stira giu mirs, e sgola sin la glina. En il videoclip fa ella quai sco eroxa en in gieu da video a la veglia.

audio
Il video
00:21 min, Musica dals 06.11.2020.
laschar ir. Durada: 00:21 minutas.

Il segund plopp: Extra Life! Roccobello e Leon

audio
Roccobello e Leon
00:24 min, Musica dals 06.11.2020.
laschar ir. Durada: 00:24 minutas.

Il proxim pass: ella vul salvar ils dus vadels Roccobello e Leon.

audio
Rolla da Roccolbello e Leon
00:18 min, Musica dals 06.11.2020.
laschar ir. Durada: 00:18 minutas.

Perquai ramassa ella schizunt raps per prolungar in pau lur vita. Per che quai vegni a funcziunar, ha ella lantschà l’acziun «Extra Life», e tgi che vul po far ina donaziun per che la finamira possa vegnir realisada. E tgi sa, sch’els daventan ils vadels ils pli renumads da la Svizra.

audio
La popcorn opera
05:00 min, Musica dals 05.11.2020.
laschar ir. Durada: 05:00 minutas.

RTR Telesguard 17:40

Artitgels legids il pli savens

Scrollar a sanestra Scrollar a dretga