Bohemian Rhapsody – l'istorgia da Queen
Avant 10 onns ha cumenzà la producziun dal film, e gia ils emprims pass èn difficils. In film davart la band «Queen» e ses chantadur excentric Freddie Mercury, quai è ina gronda sfida. L’emprim candidat per la rolla principala è Sacha Baron Cohen, però quai na plascha betg a Brian May e Roger Taylor, ses collegas da band. Ils dus commembers restants vulessan evitar ch’i dettia in film che va memia en las profunditads da lur biografia. La segunda tscherna è Rami Malek ch'ha la greva incumbensa da surprender la rolla da Freddie Mercury. Ed uschia va quai vinavant: er cun il reschissur Bryan Singer datti curt avant la fin discordia, ed in auter sto finir las lavurs.
Il grond public na vegn quai betg ad interessar, pertge malgrà tut è il film in giudiment, mussa l’istorgia dad ina da las pli grondas ed interessantas bands da rock, ils cumenzaments, la carriera, las dispitas ed ils conflicts e scenas grondiusas da «Queen» sin il palc. Il film raquinta er l'istorgia dal Freddie Mercury sensibel, en tschertga da renconuschientscha ed amur, da sia homosexualitad, ses dubis e sias speranzas. Quai persvada.
Main reussì è in detagl da la figura da Freddie Mercury. Sia dentadira marcanta vegn mussada en il film en ina furma anc pli marcanta, uschia ch'el sumeglia ad ina muntanella. Damain fiss stà dapli.
-
Bild 1 von 9. Bohemian Rhapsody. La cuverta dal disc che accumpogna il film. Bildquelle: MAD.
-
Bild 2 von 9. Queen. al principi da lur carriera. Bildquelle: MAD.
-
Bild 3 von 9. Freddie Mercury e Brian May. Il chantadur ed il ghittarist da Queen. Bildquelle: MAD.
-
Bild 4 von 9. Freddie Mercury . L'actur principal Rami Malek en acziun durant in concert. Bildquelle: MAD.
-
Bild 5 von 9. Durant in'emprova. Queen en lur studio. Bildquelle: Keystone.
-
Bild 6 von 9. The show must go on. Queen sin il palc. Bildquelle: Keystone.
-
Bild 7 von 9. We will rock you. Brian e Freddie en acziun. Bildquelle: Keystone.
-
Bild 8 von 9. Queen live. Ina scena dal film «Bohemian Rhapsody». Bildquelle: MAD.
-
Bild 9 von 9. Live Aid 1985. suenter il concert memorabel. Bildquelle: MAD.
Sche vus vulais savair dapli recumond jau ina da las diversas documentaziuns davart «Queen»: «Queen - Days of our Lives 2011» u «Queen – Rock The World 2017».
RR actualitad 08:00