Siglir tar il cuntegn

Header

La chantadura Letizia Scherrer.
Legenda: La sopranista Letizia Scherrer durant in concert online il schaner 2021. RTR
cuntegn

Citad da Cuira Premi da renconuschientscha per Letizia Scherrer

Dus premis da renconuschientscha conceda la citad da Cuira quest onn. Quels van a la sopranista Letizia Scherrer ed a l’artist Gian Häne.

L’idea dals premis da renconuschientscha saja da renconuscher la lavur cultura prestada dapi almain diesch onns – e che quella haja in’impurtanza per la citad e per la regiun pli stretga. Quai scriva la citad da Cuira en sia communicaziun.

Il 2021 dat la citad da Cuira era quatter premis da promoziun. Quels van a las giuvnas musicistas Anna Erhard e Momo Kawazoe, a l’artista Sibilla Caflisch ed a la plattafurma per mastergn e design Okro.

Ceremonia dubla

Tant ils premis da renconuschientscha sco era quels da promoziun èn mintgamai dotads cun 4’000 francs. Surdà vegnan ils premis ils 19 d’avust en il Teater Cuira. Lura vegnan era las artistas ed ils artists premiads l'onn passà ad esser preschents. In da quels è l'architect Peter Zumthor da Haldenstein, che ha survegnì il 2020 il premi da cultura da Cuira.

Letizia Scherrer cun musica da Ludwig van Beethoven:

video
«Die Trommel gerührt»
Or da RTR musica dals 07.01.2021.
laschar ir

RTR novitads 16:00

Artitgels legids il pli savens

Scrollar a sanestra Scrollar a dretga