Siglir tar il cuntegn

Header

audio
Gotthard, nr 13
Or da Musica dals 13.03.2020.
laschar ir. Durada: 8 minutas 31 Secundas.
cuntegn

Disc nov Gotthard – «#13»

Il 13avel album cun 13 tocs

La band da rock svizra preschenta ses 13avel disc, in album cun surpraisas e variaziun. Cler, il rock dir è anc adina il fil cotschen e balladas na dastgan betg mancar. Ina surpraisa è l’interpretaziun nova dal hit da Abba, da S.O.S, ed er l’emprima single «Missteria», ch’els han realisà cun Francis Rossi da Status Quo, mussa ina autra vart da la band. Il toc cuntegna tuns orientals nunusitads.

audio
missteria
ord Musica dals 13.03.2020.
laschar ir. Durada: 20 Secundas.
audio
francis rossi e missteria
ord Musica dals 13.03.2020.
laschar ir. Durada: 19 Secundas.

Remartgabel è il fatg che Gotthard ha chattà la storta, surtut suenter la mort da lur chantadur carismatic Steve Lee. Nick Maeder, la vusch nova, è tut in’autra persunalitad, el è però s’integrà bain, il sound tipic è restà e Gotthard è anc adina plain energia e zunt professiunals.

audio
far ina pausa
ord Musica dals 13.03.2020.
laschar ir. Durada: 10 Secundas.

La turnea tras l'Europa ensemen cun Shakra è vegnida spustada dal matg a l'october 2020. Bigliets gia cumprads restan valaivel.

audio
concerts en la regiun
ord Musica dals 13.03.2020.
laschar ir. Durada: 34 Secundas.

13 FACTS DAVART GOTTHARD:

Fundaziun: 1990 cun il num «Krak»

Il 1992 cumpara lur emprim disc cun il num «Gotthard». Cun quest disc van els sin turnea, er sco pregruppa da «Magnum». Ina dira experientscha ed ina buna scola. Ils englais eran disads che las pregruppas sajan nauschas – e l’organisaziun era savens miserabla: nagut da mangiar, nagin soundcheck, nagina glisch.

audio
sin tura cun magnum
ord Musica dals 13.03.2020.
laschar ir. Durada: 24 Secundas.

  • Chris Von Rohr è stà fin il 2004 producent, mentur e furnitur d’ideas. Lura èn els sa separads perquai che Von Rohr vuleva ir sin in binari pli commerzial.
  • Er il 2004 han els fundà lur atgna firma discografica G.Point Records.
  • Il 2010 mora il chantadur Steve Lee tar in accident da töf a Nevada en il Stadis Unids.
  • Il 2011 daventa il svizzer-australian Nic Maeder chantadur nov tar Gotthard, el è vegni tschernì or da 400 interessents.
  • Il 2017 fan Gotthard lur 12avel disc da studio «Silver» e festiveschan lur 25avel anniversari.
  • Durant la turnea per preschentar il disc «#13» vegn remplazza Hena Habegger da Flavio Mezzodi da Krokus. Els vegnan a sunar en ils medems lieus sco durant lur turnea svizra avant 25 onns.
  • Gotthard è la band cun il pli grond success naziunal. Sin il livel internaziunal èn anc adina Krokus davant vart.
  • Els han vendì sur 2'000’000 albums, 1 milliun en Svizra.
  • 16 albums nr. 1.
  • 2 discs tripels da platin-Album, 6 discs dubels da platin, 7 discs da platin.
  • 6 singles en ils top-10 da la Svizra. «Heaven» sin plazza 1.

Ils commembers:

Nic Maeder, chant (dapi il 2011)

Leo Leoni, ghitarra

Freddy Scherer, Gitarre (dapi 2004)

Marc Lynn, bass

Hena Habegger, Drums

Steve Lee, chant (fin il 2010†)

Tut ils discs da Gotthard:

Avrir la box Serrar la box

Tut ils discs da Gotthard:

1992 Gotthard

1994 Dial Hard

1996 G.

1999 Open

2001 Homerun

2003 Human Zoo

2005 Lipservice

2007 Domino Effect

2009 Need To Believe

2012 Firebirth

2014 Bang!

2017 Silver

RTR Famus e glorius 10:30

Artitgels legids il pli savens